Génesis 6:1-4

Jee nka̱jiéꞌé ña̱ku̱kueꞌeꞌ rá ñɨvɨ nu̱u̱nꞌ ñu̱ꞌún jee ni̱yo se̱ꞌya sɨ́ꞌɨ́ ráa. Jee niniꞌ rá se̱ꞌya Ndiosíꞌ ya̱ viiꞌ íyó rá se̱ꞌya sɨ́ꞌɨ́ rá ñɨvɨ jee nkeꞌen ráa nta̱na̱ꞌá ráa jín ne̱ ni ɨɨn ya̱ nka̱ji ráa. Jee nkachiꞌ I̱toꞌoꞌ‑ó: ―Njia̱ꞌa ni̱ꞌ ta̱chi̱ꞌ káꞌánꞌ ni̱ꞌ nu̱u̱nꞌ ñɨvɨ sáva kutekuꞌ ráa, soo nkɨ́netuꞌ ni̱ꞌ ka̱ꞌ ya̱ kino̱o‑o iniꞌ ráa nɨ́ɨ́nkání, chi kúvi ráa ñɨvɨ ñunéꞌyúꞌ ni, jee kua̱chi sientúꞌ o̱ko̱ꞌ (120) kui̱ya̱ꞌ ka̱ꞌ kutekuꞌ ráa. Rá te̱e káꞌnú a̱nasɨ́ xéénꞌ ni̱yo ráa nu̱u̱nꞌ ñu̱ꞌún rá ki̱vɨ̱ꞌ yukuán. Jee sunisaá ña̱kuneeꞌ rá se̱ꞌya Ndiosíꞌ nkixiꞌ ráa jín rá se̱ꞌya sɨ́ꞌɨ́ rá ñɨvɨ jee nsa̱ꞌá ráa se̱ꞌya rává ya̱ nkuvi rá te̱e tiɨ́kɨ́ ne̱ tióꞌ ya̱ta̱ꞌ víꞌí ya̱ túvi víꞌí ráa nu̱u̱nꞌ rá ñɨvɨ.