Lûqa 6
6
Îsa û Roja Şabatî#6:1 Yazî: Roja Şemî, Roja Xeyr
(Matta 12:1-8; Marqos 2:23-28)
1Rojênda Şabatî, Îsa û telebandê xoya erdan mîyan#6:1 Yazî: hêgayan mîyan ra ravêrdê. Telebanê ci qota xelî cikerdê, destandê xo mîyan di piroşnayê ew xeleyê ci werdê. 2Uja di tayn Ferîsîyan înan rê va: “Çîyo ki Qanûndê Ellay di Roja Şabatî di xirab o, şima yê çi ey kenê?”
3Îsay înan rê va: “Winî yo se, şima nêwendo ki Dawidî se kerdo, wexto ki embazandê xoya pîya bi veyşan? 4Dawid şi Keyedê Ellay zerre ew nano mibarek girot, nano ki bê kahînan kes nêşeno bûro. Hem bixo ê nanî ra werd, hem zî da embazandê xo.” 5Bahdo Îsay zî înan rê va: “Lajê Însanî#6:5 Îsay jew jew ca di, xo bixo rê vatê Lajê Însanî. (Bewnîrê listeda qisan, peynîda nê kitabî.) wihêrê Rojda Şabatî yo zî, ew O îzin dano na roj di kes şeno çiçî bikero.”
Îsa Rojda Şabatî Di Jew Nêweşî Keno Weş
(Matta 12:9-14; Marqos 3:1-6)
6Rojnada Şabatî di, Îsa şi sînagog ew merdiman rê qisey kerdê. Uja di jew mêrdek bi, destê ci teba nêtepiştê. 7Alîmê Kitaban û Ferîsîyana zî mahney geyrayê ki Îsay neheq kerê. Qandê coy çimê înan tim Îsay sero bî; înan vatê, hele O do Roja Şabatî kesî weş kero, nêkero. 8Hima Îsay zanay fikrê înan. Ey no mêrdeko ki destê ci nêtepiştê, ey rê va: “Werz pay ew bê vernî!” No mêrdek zî werişt pay ew ame werte di vinderd.
9Nafin, Îsay Alîmandê Kitaban û Ferîsîyan rê va: “Ezo şima ra pers kena, Qanûndê Ellay di, Roja Şabatî kes girweyo rind bikero raşt o, yazî xirab bikero raşt o? Ganê jew merdimî bireyno, yazî ê merdimî verado bimiro?” 10Ey çimê xo heminan sera çarnay ew bahdo nê mêrdekî rê va: “Destê xo derg ki!” Ey zî winî kerd ew destê ci fina bi weş. 11Nê Alîmê Kitaban û Ferîsîyana hêrsan ra kewtî xo gan ew xo mîyabeyn di qisey kerdê ki hele Îsay rê senî xirabey bikerê.
Îsa Xo Rê Diwês Wekîlî Weçîneno
(Matta 10:1-4; Marqos 3:13-19)
12Ê rojan di, Îsa şîyê jew kerrî ser ki duay bikero. Şewê hetanî destê şefaqî Ellay rê duay kerdê. 13Roj akewt se, Ey veynda telebeyandê xo, wa bêrê Ey hetek, nînan mîyan ra xo rê diwês merdimî weçînay ew înan rê va: “Şima wekîlê min ê.” 14Nameyê nînan wuna bî: Sîmono ki Îsay name na pa, va Petrûs#6:14 Mahneyê Petrûsî, ziwandê Yunankî di sîya gird o., ew birayê ey Andreas, Yaqûb, Yûhanna, Filîpos, Bartolomeyos, 15Metta, Toma, lajê Alfayosî Yaqûb, Sîmono ki leqabê ci#6:15 Yazî: leqamê ci Welat-Heskerdox o#6:15 Sîmono Welat-Heskerdox: Sîmon jû fanatik tarîqata ki nameyê ci Zelot bi, a tarîqat ra bi. Zelotî qandê dîndê xo ew qandê welatdê xo lej kerdê, ganê xo dayê., 16lajê Yaqûbî Yawuda ew Yawuda Îsqaryot, oyo ki bahdo Îsay rê bêbextey keno.
Bol Cayan Ra Merdimî Amey Ki Kerematanê Îsay Bivînê
(Matta 4:23-25; Matta 12:15-16; Marqos 3:7-12)
17Îsa wekîlandê xoya pîya kerre ra ame war. Cayêndo duz di, xeylê telebeyê ci arêbîyaybî pêser, ew bê nînan heme cadê Yawudîye ra, Yeruşalîm ra ew çorşmedê dengizî ra zî sûkandê Sûr û Sayda ra, bol merdimî ameybî uja. 18Ê qayilî bî goştareya Îsay bikerê ew O nêweşîna înan weş kero. Merdimê ki cinî kewtîbî, Îsay ê zî cinan ra reynay. 19Şêligî pêroy qeyret kerdê ki destê xo Îsaya nê, çiki Ey ra quwet vijyayê ew Ey nê pêro kerdê weş.
Kam Do Kêf Bikero
(Matta 5:1-12)
20Îsay çimê xo teleban sera çarnay û wuna va:
“Werrekê şima, ey feqîrî,
Çiki Hukumdareya Ellay, ê şima ya.
21Werrekê şima, êyê ki nika veyşanî yê,
Ella do şima mird kero.
Werrekê şima zî, êyê ki nika bermenê,
Şima do nezdi ra bihuwê.
22Werrekê şima, çimhal ki merdiman qandê Lajdê Însanî şima ra hes nêkerdê
Ew şima xo mîyabeyn ra qewirnayê,
Şima xo ra cêr dîyê ew nameyê şima xirab vatê,
Wexta werrekê şima!
23Roja ki nê girwey wuna bî, kêf ra xo tilo kerê,
Çiki Ellay hetek di xelata şima gird a.
Xora kalikanê înan zî pêxemberan rê winî xirabîn kerdê.
24“Hima, wax şima, zengînan rê,
Çiki şima xora kêfê xo kerdê.
25Wax şima rê, êyê ki nika mirdî yê,
Şima do veyşan bimanê.
Wax şima rê, êyê ki nika huwenê,
Çiki şima do bibermê ew binalê.
26Wax zî şima rê, wexto ki merdiman hemin wesbê şima day.
Çiki kalikanê înan zî pêxemberandê zûrayan rê wuna kerdê.”
Dişmenandê Xo Ra Hes Bikerê
(Matta 5:38-47; Matta 7:12)
27“Êyê ki goştareya mi kenê, ezo şima rê vana: Dişmenandê xo ra hes bikerê, êyê ki şima ra hes nêkenê, înan rê hewlîn bikerê. 28Êyê ki şima rê nehlet kenê, şima înan rê duayê bereketî bikerê ew kam ki şima rê xirabey keno, înan hemin rê duay bikerê. 29Wexta ki jewerî sîla dê to ro, guma xoya bîn zî hetê cîya ki. Çimhal ki jewerî çakêtê to girot, wexta qolika xo zî bidi ci. 30Kam to ra çîyê wazeno, ey bidi ci, ew kam to ra çîyê gêno, ey peyser mewaz. 31Şima qandê xo merdiman ra çiçî pawenê se, şima zî merdiman rê ey bikerê.
32“Eki êyê ki şima ra hes kenê, şima zî înan tenya ra hes bikerê se, şima yê çi hewlîn Ellay ra pawenê? Xora gunakarî zî embazandê xo tenya ra hes kenê. 33Eki şima ê merdimîyê ki şima rê rindey kenê, înan rê rindey bikerê se, şima do çiçî qezenc kerê? Xora gunakarî zî winî kenê. 34Eki şima yê tebayê danê kesî se, şima zanê ki şima do hetanî quruşdê ci ey peyser bigîrê, şima yê Ellay ra çi hewlîn pawenê? Xora gunakarî zî pêjewbînandê xo rê winî kenê. 35Hima şima dişmenandê xo ra hes bikerê, înan rê hewlîn bikerê, ew şima tebayê danê kesî, ey peyser mepawê! Wexta xelata şima do gird bo, şima do qeçê Ellay bê, O ki heme çî sera yo. Çiki zerrîya ci merdimandê nankoran û xiraban rê zî veşena. 36Zeki Pîyê şima rehmanî yo, şima zî rehmanî bê!”
Kesî Rê Lome Mekerê
(Matta 7:1-5)
37“Jewnay mahkûm mekerê ki Ella zî şima mahkûm nêkero. Şima kesî rê lome mekerê ki şima rê zî lome nêbo. Ef kerê ki şima zî ef bê. 38Bidê ki şima rê bideyo; ew pey olçîdo pirra, rind piloxnaye, ser di şîyaye do bideyo şima. Şima kamcî olçîya bidê se, do şima rê zî eynî olçîya bideyo.”
Xo Jewnay Ra Gird Mevînê
(Matta 7:3-5; Matta 15:14-25)
39Îsay înan rê na mesel zî va: “Jew merdimo kor nêşeno jewna korî rê ray bimisno, eki winî bikero se, wirna pîya gunenê çal ro. 40Jew telebe zî mehlîmdê xo sera nîyo, ew çend bimiso zî, çimhal ki heme çî misa zî, o do zeydê mehlîmdê xoya bo.
41“Senî beno ki, tî yê qirşo ki birardê to çim di, tî yê ey vînenê, hima çuweyo ki to çim di, tî yê ey nêvînenê? 42Ti senî birardê xo rê vanê: ‘Bê tîya, ez ê qirşî to çim ra veja!’ Hima no çuweyo ki to çim di, tî yê qe ey nêvînenê? Ti dirî yê! Çuweyo ki to çim di, ti ey verî vej, wexta ti şenê rind bivînê ew birardê xo çim ra ê qirşî vejê.”
Mesela Dar û Meywî
(Matta 7:16-20; Matta 12:33-35)
43“Dara rind mexelo xirab nêdana ew dara xirab zî mexelo rind nêdana. 44Dara rind kes mexeldê ci ra silasneno. Kes nêşeno ki telîyan ra encîlî cikero ew percînan ra zî engûr arêdo. 45Merdimo rind girweyê rindî keno, çiki zerrîda ey di rindey esta. Hima merdimo xirab girweyê xirabî keno, çiki zerrîda ey di xirabey esta. Zerrîda kesî di çiçî esto, fekdê kesî ra o vijyeno.”
Mesela Hîmdê Banî
(Matta 7:21-27)
46“Şima yê çiçî rê mi rê vanê ‘Rebbî, ya Rebbî’, hima senî ezo şima rê vana, şima yê winî nêkenê. 47Kam ki ame mi hetek, qiseyê mi aşnawitî ew goştareya qisandê mi kerd se, ez şima rê vaja, o merdim kamî maneno? 48O jewo ki keno ban virazo, o hîmê banî rind xori keneno ew banî ey sero virazeno. Winî ki sêl yeno zî, nêşeno ki nê banî ca ra biluno, çiki hîmê ci cado pêt di viraştbi. 49Naqor merdimo ki qiseyê mi aşnawitê, hima goştareya qisandê mi nêkerdo, o merdim zî ey maneno: Jewo ki ban virazeno, hima bano bêhîm beno ew winî ey erdî sero virazeno, ey maneno. Wexto ki sêl yeno, o banê ci damiş nêbeno, jû find' herunda xo di rijyeno#6:49 Yazî: xilyeno ew beno xirabe.”
Attualmente Selezionati:
Lûqa 6: diq
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© (Active), Wycliffe Bible Translators, Inc. All rights reserved.