I Versetti Biblici più popolari da LUKAS 17

Condividi

Nni à kpaaghà min ŋwaànɛ̀n lɛ: Pɛ̀sɛn aɗyòò, u kɛǹ, rìgherɛ̀n ɗyɔɔ ɗi ghɛɓsii wɔ̀.

Nni aà nàni ɓìɓan taàɓɛ̀ɛ̀ ri wɔ̀ ɓi nwos bog, innɛ à sugtii yì wɔ̀ a nyoo fɔlɔɔ gɛ̀n taàɓɛ̀ɛ̀, à gherɛ̀n à ki lemgi zɛ̀ɗ yiì, ù ghɛ̀ɛ̀sɛɛ nyi kì cenɛɛ.

Yɛ̀ɛ kìbog ki ɓi ɓɔ ki ghɛngà lɛ ki mɛ wɔ̀n, ki sugtìghày rì jɛ̀m di kɛɛ ɓɔɔɓɔgsì Bɛ̀ll jɛ̀ɛ̀ aɗyòò. À kpìghà Yeesus a mɛ̀kòò, à ruusì ìsu ɓi zi, à fa nyi ɓìtògsɛ̀n. Ŋwaàncèm à ɓaghà ŋwaànɛ a Samari.

Kɔ̀riina ɗyomzɛ̀n rì mìniì ɓɔmiɗ! I goni à kìi wɔ̀ kìɓe, rèsi nyi zɛ̀ɗ yiì, i à gherɛɛ yɔ̀, à lemgì rìkì ɗii, ù cenɛ̀n nyi.

Yeesus à kpaa min lɛ: Ɓɛ̀kukwiy ɓɛ kiǹtɛ̀ɗ ɓaa wɔ̀ni ɓi nya ɓɛ̀sɛ̀ɛ̀ ɓɛcèm? Nni kìtaànìn kim̀bog ki ri fe?

Nni Kan à ɓàkà ɓɔ lɛ: I ɓyàarì rì rìgherɛ̀n ɗi ɗi ri lɛ ɗi teghɛ̀n lɔŋ yɛ̀ɛ zàm ì nyas, di ɓì rì lɛ, ɓì kpaa kìte ki lɛ: Pɛ̀sɛn fɛ, u kɛǹ kì ɓɛlɛɛ ɓi rìɓày à kìkòn, kìte kiǹ ki ki fɔlɔɔ.

Ŋwaànɛ à kaa gɛ bee inɛ lɛ a ghɛɓsi cɛɓ kii, à ɗimzii gɛ kɔ. Fɔɔnnɛ roànɛ à ɗimzii gɛ cɛɓ kii nnyɛɛ ki ɓatii gɛ rì kɔ.

Nni Yeesus à kpaaghà ɓɛ̀yilàg lɛ: Ɓum ɓɛ yin lɛ ɓɛ rɔɓ lɛ ɓɛ kɛɓtɛɛ ɓi fiɓàg, kìɓan kifog, nyìighnyìg rì ŋwaànɛ à ɓiì kɛ̀ɛkɛɓtì ɓum tìɓàg. Ki ri kìrɔɔ ɓisu wii lɛ ɓɛɛ kaŋ̀ nyi coo gɔ̀g ì kìpɛn ɓi kìmììgh, di ɓɛɛ pig nyi ɓi rìɓày à kìkòn à cee ɗi lɛ a kɛɓti kìbog ki ɓi ɓɔɓti ɓɛ fìɓàg.

Lɔŋ yɛ̀ɛ ki kilɛ̀ngà ɓi mɛ̀ru mɛ Nowe, fɔɔlɔɔ nnɛ ki ɓiì kìlɛɛ ɓi mɛ̀ru mɛ Man à mum à ɓiì sugtii yi. Ɓum ɓɛ kikìghà lɛ, di ɓɛɛ̀ ɗi di ɓɛɛ̀ nɔ, ɓɛ wɔwɛy ɓɛ̀yiɓ, ɓɛ fafà ɓɛ̀gɔ̀n a mɛ̀wɛy, ɓɛ yin-yìn ɓɛ̀dɛlì ɓaa ɓɛ̀yiɓ, à kpaŋ ŋwos anɛ Nowe à ɗiŋìghà ɓi kìkɔm, don i yù, ì cuusì ɓɔ ɓɛ̀sɛ̀ɛ̀ ɓɛ̀cèm.