I Versetti Biblici più popolari da Joani 10

Condividi

Lisholi li taha feela ku t'o uzwa, ku t'o bulaya ni ku sinya. Na, ni tezi kuli lingu za ka li fumane bupilo luli ka ku tala.

“Ki na mulisana yo munde. Mulisana yo munde u itukiselize ku shwela lingu za hae.

Lingu za ka li utwa linzwi la ka. Na li ziba, mi za ni latelela.

Ni li fa bupilo bo bu sa feli. Ha li na ku shwa ni kamuta, mi ha ku na ya ka ni amuha zona.

Ki na munyako. Mutu kaufela ya kena ka na, u ta piliswa. U ta kena ni ku zwa ku y'o fumana mafulelo.

Ki na mulisana yo munde. Ni ziba lingu za ka, mi ni zona za ni ziba.

Z'a ni file Ndate ki ze tuna ku fita linto kaufela, mi ha ku na ya kona ku li zwisa mwa pabalelo ya hae. Ndate, ni na, lu a li muñwi.”

Sina mw'a ni zibela Ndate, ni na, mo ni mu zibela, kamukwaoswana ni ziba lingu za ka, mi ni itukiselize ku li shwela.

Ha ku na ya ka ni amuha bupilo bwa ka. Ni bu fanisa ka mo ni latela. Ni na ni tukelo ya ku bu fanisa, ni tukelo hape ya ku bu kutisa. Se ki sona se ni laezwi ki Ndate kuli ni si eze.”

Cwale Jesu a bulela hape, a li, “Ni mi bulelela niti. Ki na munyako wa mulaka wa lingu.

Mubeleki feela, ya si mulisana, mi hape ya si muñ'a lingu, wa li siya ni ku li sabela h'a bona liakanyani li taha. Cwalehe, liakanyani la pamula ni ku hasanya lingu.

“Ni mi bulelela niti, kuli mutu ya sa keneli kwa munyako wa mulaka wa lingu, kono ya pahamela mwateñi kwa lineku li sili, ki lisholi, mi ki lilengwami.