I Versetti Biblici più popolari da Mateu 11

Condividi

Pyno eweĩꞌẽ ro uhewowi uwe uwe hoꞌopot haria. Katupono uito ahupit kuap ehetiat epotyi koꞌi hawyi atum ehepe eiwemohy hap.

Pyno torannia uimohey haria eiwemohapap to uhete kat pote uito waku kahato areineꞌen iperupꞌi kahato rakat. Miꞌi hap kaipyi eweipuẽti kuap aru eiwemohy hap sese.

Uimiium eipotpap wuat wyti yt ipotyi hin i katupono eipotpap uhewowi pote worohoꞌopowyro kahato hupit hap ete e Iesui wuatꞌi miitꞌin me.

Pyno Uiꞌywot tum yn raꞌyn uhepe torannia kat koꞌi kat koꞌi. Miꞌi turan yt uwe i kuap uwe Haꞌyru maꞌato Iꞌywot yn ikuap. Iꞌewyte yt uwe i kuap Iꞌywot hap Haꞌyru yn ikuap. Maꞌato uimiꞌairoria pe yn atimoherep kuap uwe Uiꞌywot e.

Miꞌi hawyi Iesui tiꞌatuwesat -Eweiꞌaipok to Iuwãu hawyi ewehenoi ro miꞌi pe aikotã aikotã eimikuap uhehay wakuat koꞌi iꞌewyte uiminug eiꞌakasa hap koꞌi e. Miꞌi hawyi ewehenoi ro Iuwãu pe aikotã yt ihapytig i rakaria teꞌereꞌakasa raꞌyn hap koꞌi. Iꞌewyte yt hewyry kuap i rakaria ikohyewyry kuap taꞌyn hap. Iꞌewyte hepihi pihi rakaria iꞌatuehãite iraꞌyn hap. Iꞌewyte yt hewaure kaꞌa rakaria ikuap taꞌyn sehay hap koꞌi. Iꞌewyte ikuꞌuro rakaria teꞌerehymut iraꞌyn hap. Iꞌewyte meimewat ihakyꞌeꞌi rakaria Tupana ehay kuap haria wo teꞌeropyhuꞌat.

Pyno ehewaure kaꞌa pote eweikuap to hawyi eweipyhuꞌat iꞌe hap upi.