I Versetti Biblici più popolari da Luke 11

Condividi

Ef oona wa ebil know how fa gii oona chullun good ting, oona Fada een heaben know mo den dat how fa gii de Holy Sperit ta dem wa aks um!”

A da tell oona say, aks God an e gwine gii ya wa ya aks fa. Look ta God, an ya gwine find wasoneba ya da look fa. Knock ta God door, an e gwine open um ta ya.

Cause de poson wa aks, God gwine gim wa e aks fa. De poson wa look ta God, e gwine find wasoneba e da look fa. An de poson wa knock ta God door, God gwine open de door ta um.

Jedus tell um say, “Wen oona pray, mus say, ‘We Fada [wa dey een heaben,] leh ebrybody hona ya name. We pray dat soon ya gwine rule oba de wol. [Wasoneba ting ya wahn, leh um be so een dis wol, same like dey een heaben.]

Fagib we fa we sin, cause we da fagib dem people wa do bad ta we. Leh we dohn hab haad test wen Satan try we. [Keep we fom ebil.]’ ”

Gii we de food wa we need dis day yah an ebry day.

Ya eye like a lamp fa ya body. Ef ya got good eye, all ya body full op wid light. Bot ef ya eye ain no good, all ya body gwine be een de daak.

Jedus say, “Ain nobody gwine light a lamp an den hide um someweh weh dey cyahn shim. Needa e ain gwine pit de lamp ondaneet a bushel basket. E gwine pit de lamp pontop ob a table so dem wa come een de house kin see de light.