I Versetti Biblici più popolari da Joni 14

Condividi

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

“Myoyo yanu itapengi. Amushome muli Lesa alimwi mushome amuli ndime.

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Lyalo ndaakusenga kuli baTa kwaamba ayi bakamupe Mucafwi umwi, uyo eshi akekale amwebo inshiku shoonse. Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo. Nkokwaamba ayi coonse nceshi mukasenge muliina lyangu ndaakucicita.

“Na mulinsuni, munanoolama milawo yangu.

Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena.

Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Mpeeke Tomasi wakeepusha Jesu ayi, “Nkambo, tatwishiiko nkomutooya, ino inga tweeshiba buyani nshila?”