I Versetti Biblici più popolari da Yokana 15

Condividi

Arai eoŋ emusabibu, iraas yesi atenun. Yenesalit tomakaŋ, eoŋ da tomakeŋ, erai ŋin araito nuipu, naarai neamamea eoŋ mam ipedorete ibore.

Kosalakis tomakaŋ, eoŋ da tomakus. Kwape mam epedoria atenu aira araito alopet bon, arai mam esalit toma omusabibu, kwape kwaŋin yes da mam ipedorete, arai mam isalito tomakaŋ.

Arai isalito tomakaŋ, akakiro da esalito tomakus, kilipata nuikotosi kere, kiswamakinio.

Mere yes kiseunete eoŋ, dimarai eoŋ kaseu yes, kadakak yes tetere ilosete koraata araito, araitokus da kosalito; tetere nuilipete Papa kere kokirorika, kiinakini.

Emamei yenejaas kamin naepol aitelekarit na, ituŋanan ainakin akeijar kanuka ipaperoke.

Ŋinitenu kotomakaŋ namam erai araito, elemari ŋesi, ka ŋinitenu da naerai araito igweri, tetere iyatakini aira araito.

“Na ŋes akaicorakinet ebe Kominanaros, kwape abu kaminar yes

Itopolooritai Papaka kotoma nu arai iraete yesi araito nuipu, iraunos da ikakesisiak

“Arai eoŋ emusabibu lokabeit, Papaka da ŋes lokeswaman.

Ituŋanan arai mam esali tomakaŋ, ecakario kiŋa kwape katenu, erinyori; etukokinio atenuna, ecakakinio akim, kidoposi.

Kalimokis yes akiro ŋun tetere ejaun aiyalamaka tomakus, kitodolikinoi da aiyalamakus.

Arai iricete akaicorakineta, isalete toma aminaka, kwape aricitor eoŋ aicorakineta nuka Papaka, asalit da toma aminake.

Kecorakini yes ŋun tetere iminanaros.

Arai kiraas lukakwap, tiemina akwap yenerai yenikeŋ; konye naarai mam iraas lukakwap, konye abu kaseu yes kotoma akwap, kanuka ŋun ŋes kilaia yes akwap.