I Versetti Biblici più popolari da مَتَّى 19

Condividi

يَسُوع عايَن ليهُم و قال ليهُم: ”دا ما مُمكِن عِند النّاس، و لَكِن عِند الله كُلّو شي مُمّكِن.“

كِدا، هُم ما إتنين بَعَد دا، لَكِن جِسم واحِد. عَلَشان كِدا، الجَّمَعو الله، ما تَخَلّو إنسان يَفَرِّقو.“

رَدَّ عَليهُم و قال: ”ما قَريتو هو الخَلَقُم مِن البِدايَه خَلَقُم راجِل و مَرَه؟ و قال: عَشان كِدا، الرّاجِل بِسيب أبوهو و أُمّو و يَكون واحِد مَعَ مَرَتو، و الأتنين يَبقو جِسِم واحِد.

لَكِن يَسُوع قال: ”خَلّو الأولاد يَجو لَي، و ما تَمنَعوهُم، عَشان مَلَكوت السَّما لِأولاد زي ديل.“

و لَكِن كَتيرين مِن النّاس الفي الأوَّل بِكونو في الآخِر، و كَتيرين مِن النّاس الفي الآخِر بِكونو في الأوَّل.

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

و يَسُوع قال ليهو: ”إذا كان عاوِز تَكون تَمام، أمشي، و بيع مالَك، و أَدِّي القُروش مِنّو لِلمَساكين، و بِكون عِندَك كَنز في السَّما. و تَعال أتبَعني.“

و يَسُوع قال ليهو: ”لِشِنو تسألني عَن الحاجات الكوَيسَه؟ الكَويس هو واحِد بَس. و إذا عاوِز تَدخُل الحَياة، أحفَظ الأوامِر.“

و أنا بَقول ليكُم كَمان، بِكون أسهَل لِجَمَل يَدخُل في عين إبرَه مِن أن غَني يَدخُل مَلَكوت الله.“

و أقول ليكُم، البِطَلِّق مَرَتو إلّا لَمّا عَمَلَت الزِّنا، و بِتزَوَّج مَرَه تانيَه، هو بيَعمِل الزِّنا.“

و يَسُوع قال لِتَلاميذو: ”الحَق أنا بَقول ليكُم: صَعَب لِزول غَني أن يَدخُل مَلَكوت السَّما.