I Versetti Biblici più popolari da Machyu 5

Condividi

Sayhn way unu wudn lait wahn lamp ahn put it anda wahn big bowl. Insteda dat, yu wahn put it hai soh dat ih ku lait op di hoal plays. Jos laik dat yu fi shain yu lait fronta evribadi, soh dehn ku si di gud ting dehn weh yu du, ahn prayz yu Faada eena hevn.

“Unu da laik lait fi di peepl dehn a dis werl. Wen wahn siti bil pahn tap a wahn hil, evribadi ku see't.

Gaad bles aala dehn wan hoofa haat kleen, kaa dehn wahn si hihn.

Gaad bles dehn wan weh hongri fi du weh rait, kaa hihn wahn satisfai dehn.

Bot now Ai di tel unu fi lov yu enimi dehn ahn pray fi dehn wan weh chreet unu bad

“Gaad bles dehn wan weh noa seh dehn need hihn, kaa di kingdom a hevn da fi dehn.

Gaad bles dehn wan weh du dehn bes fi help peepl liv eena pees, kaa hihn wahn kaal dehn fi hihn pikni dehn.

Gaad bles dehn wan weh di moan ahn baal, kaa hihn wahn komfert dehn.

Gaad bles dehn wan weh geh haraas sayka weh dehn di liv rait, kaa di kingdom a hevn da fi dehn.

Gaad bles dehn wan weh ga mersi pahn ada peepl, kaa hihn wahn ga mersi pahn dehn tu.

“Gaad bles unu wen peepl insolt unu ahn haraas unu ahn tel aal kaina lai pahn unu sayka weh unu bilangz tu mee. Memba seh dat da di sayhn way dehn mi chreet di prafit dehn weh mi deh bifoa fi unu taim. Soh unu fi rijais ahn unu fi hapi, kaa Gaad di sayv wahn big riwaad eena hevn fi unu.

Gaad bles dehn wan weh hombl, kaa di hoal ert wahn bee fi dehn.

“Unu da laik saalt fi dis werl. Bot if saalt noh tays saalti nohmoh, da how yu wahn mek it saalti agen? Ih noh gud fi notn. Di oanli ting yu ku du da chroa it weh, ahn den peepl wahn en op di waak op pan it.

Soh unu mos bee perfek jos laik how unu Faada eena hevn perfek.

Aal unu hafu seh da wahn playn ‘yes’ er ‘no.’ If unu seh eniting els, ih wahn di kohn fahn di devl.

“Fahn lang taim unu mi yehr seh dehn mi tel peepl, ‘Yu pay bak wahn aiy fi wahn aiy ahn wahn teet fi wahn teet.’ Bot now Ai di tel unu noh fi pay peepl bak wen dehn du yu sohnting. If sohnbadi slap yu pahn di rait said a yu fays, ton yu fays mek dehn slap yu pahn di ada said tu.

If unu rait aiy wahn mek unu sin, dig it owt ahn hib it weh. Ih beta fi liv widowt wan paat a yu badi dan fi mek yu ga yu hoal badi ahn lan op da hel. Sayhn way, if yu rait han wahn mek yu sin, chap it aaf ahn hib it weh tu. Ih beta fi liv widowt wahn han dan fi yu hoal badi goh da hel.