I Versetti Biblici più popolari da Matiu 5

Condividi

Kepore sa kai tinoni sa vatoaia na juke beto sa vatoqo pale pa kauru kadakita. Goto sa vatoqoa tu pa totoqona juke isa sa na juke, ko sa tolanga vaniria sira doru pa leo ruma. Ko agou ba mi tolanga vatale tu sa na miu kabere ko ira na tinoni mai batiria na miu roiti jongadi, ko mai vatarasaea sa na Tamamiu pa noka,>> sau si Jisu.

Agou sa na kaberena na kasia gusu. Na gusu sa toqo pa batuna na kubo sa sake boka pae.

Qai tamana sira sa lioso na bulodi, ura ira mai batia na Tamasa.

Qai tamana sira qai burana kidepenia na tuvisi, ura ira mai pote vatale.

Ba ara ma pojanigou sagou: mu roroquria ira na miu kana beto mu vavara tokaniria ira qai komitigou

<<Qai tamana sira qai golaba pa gagala, ura tadira sa na binangara pa noka.

Qai tamana sira na tinoni vavaivabule, ura ira mai tapoja na tuna na Tamasa.

Qai tamana sira qai takulanga, ura mai tavamanoto sira.

Qai tamana sira qai takomitinia na tuvisi, ura tadira sa na binangara pa noka.

Qai tamana sira qai vairoqu vaitokai, ura ira mai taiania na vairoqu vaitokai.

Qu tamana sagou tonai qai poja vivikeregou, qai komitigou beto qai jutu seseke tarinigou doru kai ikerena pana laequ ara. Mu qera ko mu qera vivitigi tu, ura na miu pinia pa noka sa lavata jola. Ura ira na tinoni kokorotai pa moa ba qai komiti veiniria tugu inara,>> sau si Jisu.

Qai tamana sira qaike tuara, ura ira mai teku isongia na kasia abana.

<<Agou sa na solona na kasia abana. Ba totonai mina maragutu na lilingina sa na solo, poni sa ai mule mina vei beto mina boka lilingi solo ligu sisa? Totonai sa sa kepore veveina sisa, goto na padana sa mina tagona votu pale gu pa peguru, ko mai tete anyanyunia gu na tinoni.

Ko agou sa mi maladoruru na miu vairoqu vei tugu na Tamamiu pa noka ba sa maladoruru na ona vairoqu,>> sau si Jisu.

Goto na miu paranga sa mi E gu tonai mi E beto mi Dai gu tonai mi Dai. Goto vei kaki paranga mule muna jokeleniria, poni sa ira na koko veidi gu tana kutana nikerena sira,>> sau si Jisu.

<<Qu tei nongoroniamiu tugu agou sa isa pira sau perangana, <Isa sa vapalekai na matamu sa mu vapalekai na matana, beto isa sa valovea na mua patu sa mu valovea na ona patu,> sau. Ba ara ma pojanigou: muke raja beini ikerena sa na ikerena. Goto bi poaria kai tinoni na papara kale matuamu, sa mu balinga lao vania mule keta pa kale merimu ao.

Ko vei na mata kale matuamu ao sa bi vavukeligo, sa mu ujolia ko mu gona palenia. Ura vei kai kobu tinimu ao sa bi takobu pale sa isa sa jongana jolania na tini dorumu ao bi tagona lao pa heli. Beto vei na lima kale matuamu ao sa bi vavukeligo ao, sa mu kobua ko mu gona palenia. Ura vei kai kobu tinimu ao sa bi takobu pale sa isa sa jongana jolania na tini dorumu ao bi tagona lao pa heli,>> sau si Jisu.