I Versetti Biblici più popolari da Yohana 3

Condividi

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Kwaama a twam bɔ Bʊla gɔ a yooli nɨ sǝ a mwatɨ yooli nɨ gǝm borang. A twam gǝn sǝ a bʊʊ nǝn yooligɔ a gola gǝn.

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

“Nǝb nɨ a nǝ bɨlǝngkɛl a daagɔ Bwɛ woi, a nǝ ji bɔ bwɨlangkɛl. Nǝb nɨ a nǝ bɔ bɨlǝngkɛlɨ, a kwɛl a nǝ ji bwɨlangkɛl, jʊ a bwɨɨ ja nǝ bɔ bɨlǝngkɛl a dun Bʊla Kwaamaɨ nɨ wini.

Jʊ wɔ a bwɨ Kwaama a maa jim borangɨ, nyalǝmɔ a bɛ a yooligɔ gǝm, nǝbɔ a swɨ duddugigɔ a laa nyalǝmɔ, jʊ a bwɨɨ maajɨ jinɔ na a bwɨla gwam.

Nʊ nɨ nya nya sʊtǝm, mǝ tǝmɨ sǝ ya n nya shigtǝm lɛ.

Nǝb nɨ gwam maa bwɨlang maajɨ lɛ a kɔ nyalǝmɨ, mɨsɔ jǝ bɛ lɛ a daagɔ nyalǝmɔ woi, kage ja nʊng maajɨ jinɔ nyangnyang.

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

“Kanga Musa a gungʌm sɔɔ maalʊ a swɛ a mʊgɔ kuuli, n kanga jǝ gungʌm Bʊla Nǝlɨ lɛɨ

Tɛ bwɛ swɨ Bʊla gɔ lɛ, a nǝ gǝn kanjǝlɔ gwam a mʊgɔ kang gǝn.