I Versetti Biblici più popolari da Lukas 14

Condividi

“Ɓa iyai ata kakab atege ɗouk-Ga, namanawara ɗaho-Ga reih walta ɓana manawarad inyana, amana, ole ummana, anana, angwuna mono wattona, lohho tau ɗauna. Ai tauɗaɗage, nyi walena ɗaɗiꞌmawe ɓana ɗouk-Ga.

Ata kabaige ɗouk-Ga, natanna ɗahodi tangngadi hamaꞌna. Mono na auɗaho hibawe mayilla lohho mate, oroge ɓana yii wik hakitana ɗoukge hakab ate-Gu.

Oroge tangngana ata kahamadehta wikna engage ɓahaɓawayi, tauɗaʄalage ɓaɗaaka kahaɓawa wikna engage ɓahamadehtayi.”

Tauɗa ʄalanage ɗimi. Ɓa iyai walta mi kabaige ɗouk-Ga, nahangaɗa dahha ɗahoge mono napahallaɗahoyi tangngadi hamaꞌna.”

Ɓaɗaaka wu ata walta mi kakab atege hadede bat umma kapang tokona, na ngoɗoletohoge ɓana yapud ngaradukad hawai tannam katadawe ɓana tutuy mono aina tutuy amaha kahha ɓaɓewe nna umma kapang tokona. Oro nna hadau umma baɗa ɓeɓenage ɓana halijakawe, tanyiɗuwe walena halodoꞌmage rayige, tangngana ata ka etanage ha ullana enga ɗamaalhan. Raɗa ata enga liɗani, ‘Yeih, naɗe ata narayina umma, tanyiɗuwe walna ɓeꞌmaweǃ’

Tanyiɗuwe ɓam rayikage woleka, kaleehɗadi ata kamilla, ata kabeko, ata kalikku, ata kamoro. Yaulage engage ɓahamaringiwu, oroge raɗa ata wale ɗatauꞌmaguge gaɓɓage nna dahham. Alla enga natauguge gaɓɓage tangngage dahham, ta rahge raɗa ata katena ɓa hamourha haggay walta jonga dalara ata mate.”

“Nna mahhi nadahhawe, tabolo kole ɓana kaɓɓawe, na ɗaꞌkaɗuwe ɓahamahh haggage? Langɓataukawe ta oma waleka ɓaha li pupukge, wale laꞌma gauge. Ɓaitage nyimowe. Ɓa iyaɗuyi kapang katilna, rangewe!”