I Versetti Biblici più popolari da ယောဟန် 3

Condividi

ဘုရားသခင်​သည် လောကီသားတို့​ကို အလွန်​ချစ်​သောကြောင့် မိမိ​၏​တစ်ပါးတည်းသော​သားတော်​ကို စွန့်တော်မူ၏။ ထိုသို့​စွန့်တော်မူခြင်း​မှာ သားတော်​ကို ယုံကြည်သောသူ​တိုင်း မပျက်စီးဘဲ ထာဝရ​အသက်​ကို ရရှိ​စေရန်​ဖြစ်၏။

ဘုရားသခင်​သည် မိမိ​၏ သားတော်​ကို လောက​သို့ စေလွှတ်တော်မူသည်​မှာ လောကီသားတို့​ကို အပြစ်စီရင်​ရန် မဟုတ်။ လောကီသားတို့​ကို သားတော်​အားဖြင့် ကယ်တင်​ရန်​ဖြစ်၏။

ယေရှု​က “သင့်​အား ငါ​အမှန်​ဆို၏။ အသစ်တစ်ဖန်​မွေးဖွားခြင်း မခံရသောသူ​သည် ဘုရားသခင်​၏ နိုင်ငံတော်​ကို မမြင်နိုင်” ဟု မိန့်တော်မူ၏။

သားတော်​ကို ယုံကြည်သော​သူ​သည် အပြစ်စီရင်ခြင်း​မခံရ။ မယုံကြည်သော​သူ​မှာမူ ဘုရားသခင်​၏ တစ်ပါးတည်းသော​သားတော်​ကို မယုံကြည်​သောကြောင့် ယခု​ပင် အပြစ်စီရင်ခြင်း​ခံရပြီ။

အပြစ်စီရင်ခြင်း​ခံရသည့် အကြောင်းရင်း​မှာ ဘုရားသခင်​၏​အလင်းတော်​သည် ဤ​ကမ္ဘာလောက​သို့ ကြွလာ​သော်လည်း လူတို့​သည် အကျင့်ဆိုးတို့​ကို ကျင့်​သောကြောင့် ထို​အလင်းတော်​ထက် အမှောင်ထု​ကို ပို​၍ နှစ်သက်ကြ၏။

ထို​အရှင်​သည် သာ​၍ တိုးပွား​လာရမည်။ ငါ​မူကား ဆုတ်ယုတ်​လာရမည်။

အကျင့်ဆိုးတို့​ကို ကျင့်သောသူတို့​သည် အလင်း​ကို မုန်းကြ၏။ မိမိတို့​၏ အကျင့်ဆိုးများ ပေါ်လာမည်​ကို စိုး​သောကြောင့် အလင်း​သို့ မချဉ်းကပ်ကြ။

သားတော်​ကို ယုံကြည်သော​သူ​သည် ထာဝရ​အသက်​ကို ရ၏။ သားတော်​၏​စကား​ကို နားမထောင်သော​သူ​မှာမူ ထာဝရ​အသက်​ကို မရဘဲ ဘုရားသခင်​၏ အမျက်တော်​သည်​သာ ထို​သူ​အပေါ်​၌ တည်နေမည်​ဖြစ်၏” ဟု ဟောလေ၏။

မောရှေ​သည် တောကန္တာရ​၌ ကြေးမြွေရုပ်​ကို တိုင်ထိပ်​တွင် မြှောက်ထား​သကဲ့သို့ လူသား​သည်လည်း မြှောက်ထားခြင်း​ခံရ​လိမ့်မည်။

ခမည်းတော်​သည် သားတော်​ကို ချစ်တော်မူ​သဖြင့် အရာ​အားလုံး​ကို သားတော်​လက်​သို့ ပေးအပ်ထားတော်မူပြီ။