I Versetti Biblici più popolari da Joon 15

Condividi

“Manɛ an tiig la, ka yanam an wila la. Onɛ kpɛm bɛ man ni ka mam mɛ bɛɛ o ni la, on sɔb na wal bɛdegʋ, bɔzugɔ ya kʋ tun'e niŋ si'ela asɛɛ ya kpɛm bɛ man ni.

Kpɛm bɛ man ni ka mam mɛ na bɛɛ ya ni. Tiig wil kʋ tun'e walɛ, asɛɛ o kpɛm bɛ tiigin la. Ala mɛn ka ya kʋ tun'e niŋ si'ela asɛɛ ya kpɛm bɛ man ni.

Ya ya'a kpɛm bɛ man ni, ka m pian'ad bɛɛ ya ni, ya na sɔs yanamɛ bɔɔd si'el wʋsa ka li na niŋ ala tisi ya.

Ka' yanamɛ gaŋi ma. Amaa manɛ gaŋi ya ye ya tʋm tʋʋm sʋma wʋʋ tisʋŋi wan walsʋma si'em la. Ka ya tʋʋm sʋma na kpɛlim. Ka ya ya'a sɔsi m Ba' Wina'am si'el man yʋ'ʋr zug o na tisi ya.

Nɔŋir lɛn kae gaad nidi na kpi o zuanam zugɔ.

Wilkanɛ bɛɛ m ni ka pʋ wanna, m Ba' nwaadi li nɛ basid. Ka wilkanɛ wʋsa wan la, o pɛsidi li nɛ maali li sʋ'ʋŋa ka li maligim wan bɛdegʋ.

M nɔɔr zi'elʋgʋ nwa' ka m yɛti ya ye, ‘Nɔŋimi taaba, wʋʋ man nɔŋi ya si'em la.’

Ya tʋʋm sʋma bɛdegʋ dʋ'ʋsidi m Ba' Wina'am yʋ'ʋr. Ka ala mɛn ka li na pa'al ye ya anɛ m nya'andɔlib.

Ka Yesu pa'al o nya'andɔlib la nɛ siiliŋ ye, “Manɛ an vain tiig la amɛŋa. Ka m Ba' an onɛ gur tiig la.

Onɛ pʋ bɛ man ni nwɛnɛ wilkanɛ ka ba nwaae bas, ka li kʋdig la. Ba na la'as wilbanɛ lɔb bugumin, ka bugum dii ba.

“M yɛli ya yɛlbama ye ya di'e m sumalisim. Ka ya sʋnya na pɛ'ɛl nɛ sumalisim.

Ya ya'a siaki m nɔzi'elʋg la, ya na kpɛlimmi m nɔŋilimin la, wʋʋ man siaki m Ba' nɔɔr ka kpɛlim o nɔŋilimin si'em la.

M nɔzi'elʋg anɛ ye, ya nɔŋimi taaba.

Ya ya'a bɛɛn dunia dim sʋ'ʋlimin, ba naan nɔŋini ya wʋʋ ba mɛŋ nidib nɛ. Amaa ya ka' dunia dim sʋ'ʋlim nii. M gaŋi ya nɛ wɛligi yis dunia dim sʋ'ʋlim ni. Dinzug ka dunia dim kisi ya la.