I Versetti Biblici più popolari da རོ་མི། 5

Condividi

དག་པ་ཀབ་ཉི་ ཨའི་སྡིག་ཅན་ཨ་ཉི་རང་ ཆོ་ལེ་གང་ཀ་ ཁིརིས་ཨ་ཧ་དེན་གེ་ གཤགས་པ་ཨ་དེན་གེ་ དཀོན་མཆོག་གི་ ཨའི་ཕང་ཅ་གི་ལ་དག་ཉི་ གེན་གནང་ཅ་གི༌ལ།

ཉི་རེ་ཆ་གི་ ཨའི་ཤོ་ནང་མ་ཕེ་ཝ་མ་ཅོད༌པ། ཧང་ཡ་དག་ནེ་ལ་ དམ་པའི་ཐུགས་ཉིད་ག་ ཐུང་ཀེ་ཨ་ཉི་ ཨ་ཧ་སེམས་ནང་ཀ་ དཀོན་མཆོག་ག་སྙིང་རྗེ་ ལུག་ཉི་གནང་མ༌ཅ།

ཨོ་ཉ་གེ་བུ་ལག་ཉི་ ཨ་ཤི་ཨའི་དཀའ་ཝ་ཅཱད་པ་ཀབ་ཉི་བུ་ ཤོ་ནང་ཕེན༌ཅ། ཧང་ཡ་དག་ནེ་ལ་ ཨ་ཤི་སེན་ཅ་ དཀའ་ཝ་ཅཱད་པ་ཀབ་ཉི་ ཐེས་པེ་རེ་བ་རིན་ཅ་གི་ལ་དག༌ཉི། ཐེས་ཅ་ཨ་ཉི་ འབད་བཞག་ཆོ་ཝ་རིན་ཅ་ ཉི་འབད་བཞག་གི་ རེ་ཆ་ཆོ་ཝ་རིན༌ཅ།

ཉི་ཨོམ་ དད་པ་ག་ཐུང་ཀེ་ཨ་ཉི་ ཨའི་དྲང་པུ་རི་ཝ་ཨ་དེན་གེ་ གཙོ་བོ་ཡི་ཤུ་ཁིརིས་ག་ ཐུང་ཀེ་ཨ་ཉི་ ཨའི་དཀོན་མཆོག་ཀབ་ཉི་ སྐྱིད་པུ་ཨ་ཉི་ཆོ༌ལེ། ཨ་ཧ་དད་པ་ག་ཐུང་ཀེ་ཨ་ཉི་ ཁིརིས་གི་ ཨ་ཧ་བ་ དཀོན་མཆོག་ག་ ཐུགས་རྗེ་ནང་ཀ་ ཕ་ཉི་གནང་མ༌ཅ། ཉི་ཨོ་ཉ་ཐུགས་རྗེ་ནང་ཀ་ ཨའི་ཨོ་མ་ཆོ་ཝ༌ཅ། ཉི་དཀོན་མཆོག་ག་ གཟི་བརྗིད་ག་དེན་གེ་ རེ་ཆ་ཨན་ཅ་ཨ་ཉི་ ཨའི་ཤོ་ནང་ཕེ་ཉི་ཆོ་ཝ༌ཅ།

ཨ་ཧ་བ་ ཤུག་མ་ཝ་ཨ་ཉི་རང་ ཆོ་ལེ་གང་ཀ་ དུས་ཙུན་ཕྲིག་ཀིན་ རེན་པ་ཀབ་ཉི་ ཁིརིས་སྡིག་ཅན་བ་ཀ་དེན་གེ་ གཤགས་ཉི་གནང༌མ།

ཁིརིས་ག་སྐུ་ཁྲག་ག་ཐུང་ཀེ་ཨ་ཉི་ ཨའི་དཀོན་མཆོག་ག་སྤྱན་ག་ དྲང་པུ་རི་ཝ་ཨ་དེན་གེ་ རོ་ཀི་ཨའི་ དཀོན་མཆོག་ག་ ཁྲིམས་གེ་བུ་ སྐྱབས་གཟིགས་ཉི་གནང༌མེ།

སོ་ངོ་ཐུར་གི་ དཀོན་མཆོག་ག་བཀའ་ག་ ཆ་གནས་མ་ཐ་ཝ་ཨ་དེན་གེ་ མང་པུ་ཐུར་ སྡིག་ཅན་རི་ཝ་པུརུས་ཀིན་ཨ་ཉི་ སོ་ངོ་ཐུར་གི་ དཀོན་མཆོག་ག་བཀའ་ག་ ཆ་གནས་ཐ་ཝ་ཨ་དེན་གེ་ མང་པུ་ཐུར་ དྲང་པུ་ཅོད་ཉི་གནང་ཅ་གི༌ལ།

ཨོབ་ཏུར་ཤ་མང་གི་ཝ་ ཨ་ཧ་གཙོ་བོ་ ཡི་ཤུ་ཁིརིས་ག་ཐུང་ཀེ་ཨ་ཉི་ ཨའི་ལོག་ཉི་རང་ དཀོན་མཆོག་ཀབ་ཉི་ ཆ་མེ་རེ་བ་ཨ་དེན་གེ་ ཨའི་ཤོ་ནང་ཕེ་ཉི་ དཀོན་མཆོག་ག་བསྟོད་པ་ཕུལ༌ཅ༎