I Versetti Biblici più popolari da རོ་མི། 15

Condividi

ན་ཤི་རོ་ཀ་དད་པ་ཨན་ཅ་ཨ་ཉི་ རེ་ཆ་གནང་ཁཱན་ དཀོན་མཆོག་གི་ ན་ཧ་སེམས་ ཤོ་ནང་དང་ སྐྱིད་པུ་གི་ ཕུང་གནང་ཆེན། ཉི་དམ་པའི་ཐུགས་ཉིད་ག་ སྟོབས་དབང་གི་ཨ་ཉི་ ན་ཧ་རེ་ཆ་ཁེ་པ་ ཁཱད་ཀེ་དོང་ ཤ་པ་རིན་ཆེན༎

གོ་མ་གེ་རང་ ཨོ་ཐ་བ་ གསུང་རབ་ནང་ཀ་ འབྲི་ཁཱན་ཤོ་ ཨ་ཧ་ཡེ་ལེ་དེན་གེ་གི༌ལ། དཀོན་མཆོག་གི་ དབུ་མནའ་བཞེས་ཁཱན་ག་ བཟོད་པར་སྒོམ་ཉི་ ནོང་ཅ་ཨ་ཉི་ ཨོ་ཐ་གསུང་རབ་གེ་ཤོ་ཁཱན་བ་ཀི་ ཨ་ཧ་རེ་ཆ་དང་ སེམས་གསོ་ཨ་ཉི་ གནང་ཆེན་དག་པ་གི་གི༌ལ།

ན་ཧ་བ་ཀི་ ཡི་ཤུ་ཁིརིས་ག་ ཕྱག་ཞུན་ཅ་ཨ་ཉི་ བཟོད་པར་དང་ སེམས་གསོ་ཨ་ཉི་གནང་ཁཱན་ དཀོན་མཆོག་གི་ ན་ཧ་བ་རྣམ་ཤེས་ག་ ཐུར་ཅོད་ཉི་གནང་ཆེན། ཉི་ཤ་ ན་ཤི་ཀཱན་ཐུར་དང་སེམས་ཐུར་ཨ་ཉི་ ཨ་ཧ་གཙོ་བོ་ ཡི་ཤུ་ཁིརིས་ག་ ཡབ་དཀོན་མཆོག་ག་ བསྟོད་པ་དང་ གཟི་བརྗིད་ཕུལ༌བེ།

ཨོ་ཉི་ཨ་དེན་གེ་ ཁིརིས་གི་ ན་ཧ་བ་ རོ་ཀ་ཐུགས་ཀ་ ཤོང་ཉི་གནང་མ་པུརུས་ཀིན་ཨ་ཉི་ དཀོན་མཆོག་ག་ གཟི་བརྗིད་ག་དེན་གེ་ ན་ཤི་བུ་ ན་ཧ་བ་ནང་དོ་ ཐུར་དང་ཐུར་ག་སེམས་ཀ་ ཤོང་པེ་ཁེ༌ལེ།

ཨའི་ཐམས་ཅན་གི་ ཨ་ཧ་ནོག་མིན་བ་ ཤོ་ནང་ཕེ་ཝ་ཅོད་པེ་ཁེ༌ལེ། ཉི་ཨ་ཤི་ རོག་ཏེ་བ་ཀ་ ཕཱན་ཏོག་པེ་གོད་པེ་ཁེ༌ལེ། ཨོ་ཐེན་ཨ་ཉི་ ཨ་ཤི་རོག་ཏེ་བ་ དད་པ་ག་ཟོག་པེ་བིན་ཅ་གི༌ལ།