I Versetti Biblici più popolari da Zone 10

Condividi

Ta meha ghinina ia ta sisiko mu, mala sikori, atunguri nia ngovalari ma ira sipisipi. Nga ara mu nato ke meha mala vanadi ia doli hohoghona ira noni, ia doli ta foudui tehi leghutau ta veha.

“Ara mu ia mane kopunai sipisipi ta veha. Ia mane kopunai sipisipi ta veha mu, e va malumi taghonai ta mala leme vanadina ira sipisipi.

Ira nogu sipisipi ara mu, edi nomoho avohi leogu ini ara. Ara a avohori maneri, nia maneri gedi leghuau ghu ara, e ghua.

Ara a vanadi ia doli soduai, e toraina deo ghu boka age lemedira. E deo ghu hei ta boka hio kaverina ka ara.

Uve, ara mu taghe ia makatana ta mala haghele lao ka ira sipisipi ka giliona ia bara mala la kagara ghidira a ghua, ghe gedi ke kave la hadu ghedi ghanoni nga tuna, ira ta ghua. Taghe iala molamo, ia noni ta haghele meha ka ara lama mu ta age hio va dolinina ghatu, ta age hiorira ghu ira leghutau ta veha mala toka ghinina ia dolina taghonaghi.

“Ara mu ia mane ta kopunai ghidi va veha ira sipisipi. Ara mu a avohori ira nogu sipisipi taghogu, nia maneri gedi avohoau ghu ara, e ghua

Vununa nogu Mama neto ke vanagu ara maneri, e varanga fuluduri ghu manei vahina va vuha nga, e deo ghu hei ta boka hio kaverira ka ira kamena nogu Mama. Ia Mama nia ara e ghua mu kaike mo.”

taghe nogu Mama la ta avohoau ini ara, nia ara ta avohi ini nogu Mama, e ghua. Ara mu na ohoꞌoho ghu ta leme vanadina ira nogu sipisipi.

E deo hei ta boka hio kai taguna doli ini ka ara nato deo la ara ga va malumi ghu, ghe ghatunaina mu ara na lao hihingogu mo ta mala lemena. Ara mu e kuruau ia mana mala va malumu laoina ia doligu ka ia leme, nia mala ke doli leghuna e ghua, vununa ianimu lamu neke ungene va gigimaina nogu Mama ta mala riva ghinina ara.”

Ke va kahe ghidini tuna neke ghua Zisas, “Ara a va kahe ghini ghau ia hohoghona, ara mu ia makatana ka ira sipisipi,” neke ghua ghidi.

Ia mane ta rivai tabara mu, e haza ka ia mane ta tagho sipisipi ta kopunai ghidi torai taghonai. Neto finini la manei ia wulufu mehanana, maneriva iahi, e pelo kairi ira sipisipi, e nai kakaikeri ghu leghu. La meha tuna ia wulufu, ge rapata va pirarari ghu, e ghua.

Zisas neke kahe ghua iahi, “!Ara a torai va kahe ghini ghau ka ia hohoghona, hei neto pauku kalahu la ka ia barana sipisipi, deona ge haghele ghu ka ia makatana, manei mu e torai mane sisikona nia mane ngongovalana!