I Versetti Biblici più popolari da M. Mattayo 6

Condividi

Sembe tangamsake ufumu wake na chilungamo chake; ninga viyangizyiwe kwanu ivi vyonse.

Chifukwa choteti msachita tupwe na mailo: pakuti mailo lichite tupwe leka. Vukumanira nsiku ni viipa vya ine.

Ni panunena namwe, Msauchitira tupwe moyo wanu lakuti mulyenji kano mumwenji; kano muŵili wanu muvwalenji. Kansi moyo ntupula vyakulya, na muŵili kupula vyovwala?

Sembe weo apo pusenga ukaloŵe mchipinda chako, nozalako chisasa chako nomsenga Auso ali kunsei, naye Auso oŵona kunsei azakuwezizye.

Chifukwa choteti sengani teti: Ausu wasu muli kumulu, Zina lanu lilemekezyewe. Ufumu wanu uze. Vimupangwa vichitiwe nga ni kumulu teti na pansi.

Mtipe lero chakulya chasu cha nsiku.

Mtilekere mangaŵa ŵasu, nga ni seo soti mtuŵalekera amangaŵa ŵasu.

Msatiulila poyezyewa, sembe mtipuzumusye pa uyo muŵipa.

Chikomo kati muŵalekera ŵantu vyoifya vyaŵo, Ausu wanu wa kumulu azamlekereni namwe soti.

Ŵonani tuni twa mlulezi, kuti tosakomera mbuto, tosasanja, tosalonga mmantumba; naye Ausu wanu wa kumulu otulyesya. Kansi mweo simusiyana nato kutupula tweve?

Msalilongera mpango mcharo cha pansi, mwamene akanzerenzere na nguwe mvuifya, na njivi mzukumula nopunsha: sembe mulilongere mpango kumulu, kwamene akanzerenzere na nguwe kuvisaifya, na njivi kuzisakumula kano kupunsha: chikomo kwamene kuli mpango zyako ni kuuti uzoŵe mtima wako soti.

Paliye muntu angaŵe kapolo wa asikuru aŵiri: pakuti kano amtinke umo nomtemwa muyake; kano asungane naye umo nompelula muyake. Simngaŵe akapolo a Mlungu na a chuma kumo.

Lomba kati Mlungu ovwalika teti uzu wa ku sanga, uyo uŵapo lero, na mailo upozewa mu mchero, kansi nti mweo mupulamo ngako, mwe mwatonto mvwano?

Sembe weo pupeleka vyabule, kwanja kwako kwa manzyere kusaziŵa icho chikuchita kwanja kwako kwendi: kuti vyabule vyako viŵe vyakunsei: nipo Auso oŵona kunsei azakuwezizye.

ŴONANI kuti msachita chilungamo chanu pakazanga pa ŵantu kuti muŵonekere kwaŵo: kati mwakuchita tetyo muliye chilambu kwa Ausu wanu ali kumulu.

Soti pamene pamulitana vilyo msaŵa na chinso chondandaula nga ni ŵolipazya: pakuti ŵeve oifya vinso vyaŵo kuti aŵonekere ku ŵantu kuti olitana vilyo. Lezee numnenelani, Alupokere kaŵera chilambu chaŵo. Sembe weo pamene pulitana vilyo uzole mafuta ku mutu wako nosamba ku menso; kuti ungaŵonekere ku ŵantu kuti ulitana vilyo, sembe kwa Auso ali kunsei: naye Auso oŵona kunsei azakuwezizye.