I Versetti Biblici più popolari da युहन्ना 13

Condividi

आय तुमामे नवो आज्ञा आपोहो का तुमु एकमेकाआरी प्रेम को जेहलो आय तुमामे प्रेम कोल्यु होय तेहलूज तुमुबीही एकमेकाआरी प्रेम को. जर तुमु एकमेकाआरी प्रेम कोअनारू तेहलाम हर एक जोओ ओलखीत लेही का तुमु माआ शिष्य होय.

त्याकोता जर आय प्रभू अने गुरु ओमेत तुमाआ गुडू तुण्यो ताहा तुमु पण एकमेकाआ गुडू तुवूहुं हवे आय तुमा आगाडी आय एक उदाहरण आप्लु होय. काहाके आय तुमाहा नमूनों देखाडीत देदलू होय का जेहलो आय तुमाआ आरी कोयु होय तुमु बी तेहलोज कोअते रोआ.

उत्तर आपित येशु कोयु, ओमे ताहु मालुम नाहा का आय नाहाकोत कोईत होय, फासाडी ताहु मालुम उवे.

आय तुमामे खोरो कोत्लू एक सेवक आपाआ मालिकापेक्षा वोडू नाहा अने न संदेश आपणारो वोडू होय जीआ ताहु मोकल्यीत होय.

जर तुमु याआ गोठी उलखित्लू होय अने तेहलो सालतेहे ताहा तुमु धन्य होय.

त्याकोता रोटू सोडीत उबु रोला तिये आपाआ बारथे कापडे काढ्ये अने एक रुमाल आपाआ कोमरेहे बांध्यू. फासाडी होमला गंगाळाम पाई ओतीत आपाआ शिष्यांआ गुडू तुवूहू लाग्यू अने तियाअ कमरुहू बांधीत मेकल्या रुमालावांही नुसहू लाग्यू.