I Versetti Biblici più popolari da मत्ती 18

Condividi

कहिनेकी जते दी या तीन झन हमर चेला हुऐके कारणसे एक जगहमे जमा हैछै, ओत्ते हमे ओकरसिके बीचमे हैबै।”

फेर हमे तोरासिके कहैछियौ, यी धर्तीमे तुहेंसब दी झन कोनो बातमे सहमत भ्याके कुछु माँग्भैं ते, उटा चीज स्वर्गमे रहेवाला तोरसिके परमेश्वर पिता तोरा देतौ।

तब येशूके बगलमे एकटा बच्चा खडा रहै। उटा बच्चाके येशू आपन कोरामे लेल्कै, आर कहैल्कै, “हमे तोरासिके सच कहैछियौ, परमेश्वर आपन राज्यमे खाली ऊसब आदमीके स्वीकार कर्तै जे मन परिवर्तन करिके परमेश्वरके शासनके एकटा बच्चाके जुगुर स्वीकार कर्तै।

जे यी बच्चाके जुगुर अपने आपके नम्र बनैतै, उहे स्वर्गके राज्यमे महान हैतै।

जे हमर नाममे एकटा एरंको बच्चाके स्वागत करैछै, ऊ हमरा स्वागत करैछै।

हमे तोरासिके सच कहैछियौ, तुहेंसब धर्तीमे जे बान्भैं, ऊ स्वर्गमे बान्हल जैतौ। आर तुहेंसब धर्तीमे जे खोल्भैं, ऊ स्वर्गमे खोल्ल जैतौ।

तुहेंसब आपन विश्वासी भ्या-बहिनके आपन हृदयसे माफ नैकर्भैं ते, स्वर्गमे हुएवाला हमर परमेश्वर पिता भी तोरासिके माफ नैकर्तौ।”

अगर कोय ऊ आदमीके जे हमरापर विश्वास करैछै, ओकर विश्वासमे ठोकरके कारण बनैछै, भला ही ऊ यी बच्चाके जुगुर है, यी ओकर लिए बढियाँ हैतै कि ओकर गल्लामे एकटा भारी पत्थल बान्हल जै आर ओकरा डुबैके लिए समुन्दरमे फेकि देल जै।

तुहेंसब कि सोचैछैं? यदि ककरो लगत एक स भेंडा छै आर ओकरामेसे एकटा भेंडा हेर्या जैतै ते कि ऊ आपन निनानब्बेटा भेंडाके पहाडपर छोडिके हेरैल भेंडाके खोजैले पहाड महर नैजैतै?