I Versetti Biblici più popolari da Luk 14

Condividi

“Nɛ awiawi yɔ alagɔ jɔl ntɔnanjim ɔma ateg atɛn ndɛ na nyɛn, nkal na abɔn, na abɔnyɛn abɛ ba lom na ba kal ɛjɔl likpen ɛlɛ. Anɔ arig wɛ anim ma jɔl ntɔnanjim ɔma.

Nɛ awiawi yɔ adɔgɔ tab krɔs ɛjɛ atɔna mam anim ma jɔl ntɔnanjim ɔma.

Anɛ ba ataba liabɔ ala budi abɔ anɛ ba abudi liabɔ ala tab abɔ ayura.”

Na mba yi fɔ nɛ awiawi yɔ adɔgɔ dabɔ na nsɔl kpakpa yi akpenɔ anim ma jɔl ntɔnanjim ɔma.

“Arenɔ arɛ nɛ wurang fa alagɔ si libole. Wɛ anim tɔg jɔl akɛrɛ ɔkon nsɔl mɔng akpuga ya alɛ benga amal litom lifɔ ɛ? Ɔlɔ rim alub atana ɔbɔm ɛtɛk ɔdɛmal ɔsi fɛb anɛ ba ayɛna ajɔ yɔla. Ajɔ bong, ‘Nɛ ɔfa abɔm nsiga amalam asi ɛmal.’

Ɔlagɔ lem likag tebe akpak, abuni na alaga amir, wɔ ɔla bɛl lifola, ateb abɔ wa anim ma kpe Ɔsɔwɔ ala wa kpe na ɔfo bi ɛnyimi na liku bi ateng anɛ.”

“Akang anɔnɔb, alɔ tanɛ liyɛbɛ ɛlɛ, ɛla lem nan ɛkpɛ yɛbɛ. Akpɛlam nɔb akarɛ nde na ɛkukur, ala wuri ngɔ. Nɛ awiawi yɔ akpenɔ atong, nɔngɛ wɛ ayog!”