I Versetti Biblici più popolari da लूकाल 24

Condividi

इंका नावा पेनबाबाल हींतन इंचि पोल्‍ले हीता आ पवित्र आत्मातुन नना मिहगा लोहांतन. गानि बदवेरदाका अय्ते स्वर्गमताल पवित्र आत्माता ताकत मीपोर्रो रेय्योनो, अदवेरदाका मिमेट इदे येरुसलेम सहरते मंटु,” इंचि इत्‍तोर.

ओर इग्‍गे हिल्‍लोर, हामुरताल जीवाते तेदतोर. ओर मीवातोनि गालिल एरियाते मननेंके मीकु, ‘मनकना रूपमते पुटतोन नाकुन पापि मनकालोरा कय्‍दे पीसि हियमळ जर्गार, पजा ओर नाकुन क्रुसुनपोर्रो वेलाड वाट्‍सि हव्कानुर. गानि नना मूड रोजकुने मर्रा जीवाते तेदकन. इवन्‍नि निजम आयनुंगें,’ इंचि वेह्‍चि मत्‍तोर. इद मीकु मति हिल्‍लेना?” इंचि इत्‍तुर.

अल्हा हारि तुकडां हियानेंकेन ओरा इव्वुरा कळ्‍क जग्गरा आतां आनि ईर येसु आंदुर इंचि एरपाट कीतुर. गानि येसु ओर्क दिसाकोंटा मायम आतोर. पजा ओर इव्वुर ओरद-ओरे, “हरपीसि मनातोनि वळकसेके ताकानेंके ओर मनाकु दर्मसास्‍त्रमते रासि मत्‍ता पोल्‍लेना निजम अर्तमतुन बेस तेळियानाल वेहतोर. अस्‍के ओना पोल्‍लें केंजसि बच्‍चोन बेस अनपिच्‍चेक मत्‍ता!” इंचेके वळ्‍ककुत्‍तुर.

हीसि ओर्कुन इल्‍हा इत्‍तोर. “दर्मसास्‍त्रमते रासि मत्‍ताप, किरिस्‍तुंक वेल्‍लेन तकलिपकु वासि ओर हायानुर, पजा मूड रोजकुने मर्रा जीवाते तेदानुर इद अदे पोल्‍ले आंद. पापाल्क मापि आयनाहाटीं मनसु मार्सकुनुळ अव्‍सरम मंता. इदे कबुरतुन येरुसलेमताल सुरुव कीसि, दुनियाता अन्‍नि देसेल्‍कुना लोकुल्‍कुंक किरिस्‍तुना अदिकारमते वेहमळ जरगार.

एवतस्‍के बोंदाता हरदुक अड्‍डम ताससि मत्‍ता बंडा पक्‍काक दोब्‍बिसि मत्‍तदुन अव हूळतां. अस्‍के अव मुर्ताह्क लोप्पो होळियसि हूळतां अय्ते अवुंक अगा येसु सामिना पीनगु दिसा हिल्‍ले.