I Versetti Biblici più popolari da Matta 24

Condividi

A ŋinena adhi dhuŋun dhike oinyadhani, a uminyi gwa liji loinyadho gwaji gwerna. Abi gwina gwathi gwajalo mun di ma dhuŋun ro peth, ŋeda gwaji gwagilaŋini.

A Dhuŋun ibidha dhina Dhiŋir dha gidhila ga Kalo dhaji dhabiŋini kidhila peth, ŋwuro shaahid gi liji peth; abi lamun lina limirudhi laji lila.

Abi manya diŋini ŋoŋora a dhuŋun dha ŋoŋor, athanyabi dhenyo no; aram dhuŋun ibidha peth dhaji dhuthi je ganu, abi dhoma dhati dhirnii no.

Liumam laji ladire gi liumam liter, a gidhila gi gidhila giter, a gidhuŋur gaje, a ŋirainy ŋaje, a kwiyaŋ gwubi galo gwuleny kalo gitigiter. Dhuŋun ibidha dhiro dhina dhiro kwerkwereny dha dhike dugore.

Sama a gidhila laji lerna, abi dhuŋun dhiny dhati dherna no.

Liji loinyadho laji lila alapai jiriny jiny, alarnu liro al Masiiẖ, a laji lukinejo lijo ganu loinyadho.

A laji lajodha a lajure ŋina a laji rinya; a liji peth lathaji lajirini ŋinena ro jiriny jiny. A liji loinyadho laji laka dugore, alugejiye gi limegen, al lidoinya. A nebiŋa loinyadho laji lila lina liro lidhuŋun, alukinejo lijo ganu loinyadho.

Al Yasuuⓐ abiŋaijo, ŋwulaici, Ethadhul galo, daji kwiji gweda ukinejo ganu.

Athanyaje momaŋ; ŋinena athanya liŋidhi lamun lina lal Ŋari ŋa liji ila no.

Athanya ethadhe galo; ŋinena athanya liŋidhi lamun lina lal Kweleny gwalo ila no.

Abi kwiji gweda gwati gwiliŋidhi lamun ibile i saaⓐa no, a malaayka lina lathije gi Sama lati liliŋidhi no, athi Ŋari liŋidhi no, abi Babo gwiny dogo liŋa.

Liji laji ladire lina liro lidhuŋun, alarnu liro al Masiiẖ, a nebiŋa lina liro lidhuŋun, a laŋaje lijo ⓐalaamaat gwina gwinaŋ a ŋiro ŋina ŋathalije lijo galo dir; ada limuthi ŋoma alukinejo lijo ganu lina luthinu ganu.

A ŋwamun ŋwina ŋwaji ŋwauŋw Ŋari ŋa liji ila, ŋwaji ŋwaro ŋinena ŋwamun ŋwa Nuuẖ. A ŋwamun ŋwaji ŋwaro ŋinena ŋwamun ŋwina ŋwiji ŋwai kwuru kwereny; latheny, athiliye, alago, alugineye, di gi lamun lina limal Nuuẖ uni gi felluuka. Athil liŋidhi no di a kwuru ila, ŋwulrinya peth; a lamun la Ŋari ŋa liji laje lando ko.