I Versetti Biblici più popolari da Matta 19

Condividi

Albi Yasuuⓐ aŋa, ŋwulaici, Liji dogo lati luthi ŋoma lapai dhuŋuna ibidhe no; abi Kalo guthi ŋoma gapai dhuŋuna peth.

A athil rui ganu ram no, albiro letipo. Lina ligiriminilo Kalo, athil kwiji urudhi ganu no.

Ŋwulbaici, Nyaŋa lati limabiŋaijo jitham ja Kalo gi dhuŋun dha ŋeda gwina gwigetilo kwereny, ŋwugeta kwoma a kwa na? Gi dhuŋun ibidha aram kwoma gwatigwagathani babuŋw gwuŋun a nana gwuŋun, alje kwa gwai gwuŋun; a liji ram ibile alro ŋinena aŋinu yetipo.

Albi Yasuuⓐ aicinu, Athanya ekajo no, abricilo alila diginy; gidhila ga Sama ga liji lina liro minoŋ.

Abi liji loinyadho lina lathimadhini ŋinena laji laje gidon; a lina lijo gidon laji lamadhini.

Ŋwulabiŋaijo, ŋwulaici, Liji peth lina limagathana duna gwegen, i limegen lina liro loma, i lina liro nyera, i baboŋa, i nanaŋa, i la legen, i keleŋa, i diruiny ŋinena ro jiriny jiny, ŋaji ŋaluthi ŋwamun ganu dure‐thudhina; a lathi lamidhe gwortal.

A Yasuuⓐ aicinu, Ada ŋa gwimari gwapai dhuŋuna peth momaŋ, idhi, ŋelaŋ ŋida peth ŋina ŋuthaŋalo, ŋa dhedha lijo gwarush lina lati luthi ŋida no, a ŋa gwaji gwuthi ŋida ŋoinyadho ŋina ŋiŋir Sama; ŋabila, nyi gwuja.

Ŋwabiŋaijo, ŋwaici, Kworaŋ ŋabarnu nyi gwiŋir? Kalo giro getipo dogo gina giŋir; abi ada ŋa gwimari gwamidhe gwortal, uminyu dhuŋuna dha naamuus.

Nyi gwa gwabiŋaijaje manaŋ, ŋajaici, Gwijanu galo edeny di kamila uni gi lubiro la ibra, gi kwiji gwina gwuthi ŋida ŋoinyadho duni kidhila ga Kalo.

A nyi gwa gwacaijinu, Ada kwiji gweta gwimateje kwaio galo gwuŋun biduun gwati gwidhirilo kwiji gwai gwiter no, ŋwubago kwaio gwiter, kwiji ibigwe gwuwuli, a gwina gwago kwaio gwina gwitejinu galo, kwiji ibigwe gwuwuli.

Abi Yasuuⓐ abiŋaijo calmiz juŋun, ŋwulaici, Titiganu nyi gwa gwacaijinu, Dhuŋun dhathibur kwiji gwina gwuthi ŋida ŋoinyadho duŋwuni kidhila ga Sama.