I Versetti Biblici più popolari da मति 6

Condividi

ओदोङ भाअ्सिङ झाराङ खान्तेङ लाम्फा परमेस्वरको सासन भोसु, कालाउ एनोङ धार्मिक जिबनता जियाइसु कालाउ इङको गोताङ आमेनेगेलाइ नेलाइहेङ थोपि प्यावा।

कालाउ जुम्निको भाअ्सिङ नेलाइ फिकिरि मापासु, हाइपालिपानु जुम्निको सामास्या जुम्नि दोङ सुल्झिखे। नानिको दुख नानि दोङ थेमाङ।

ओदोङ भाअ्सिङ का नेलाइहेङ दोअ्खा, ताइमि बान्चिलिको भाअ्सिङ हाइ चालि, हाइ आम्लि, हाइ होङलि दोअ्तेङ बिसोइता पिर मापासु। निसित रुपता जिबन चाका-आम्का खान्तेङ हेन्जाङ मुल्यवान हि।

कालाउ नाअ् चाहि जेलाउ प्रार्थाना पाना, ताइको कोठा लिता दुल्तेङ फिनु गि कालाउ ताइको आबा परमेस्वर दोफा प्रार्थाना पाअ्‌, जाइ चाहि मातिङन्हाका हि, नाङको आबा मातिङका थामेता पाका काम तिङलि दोहोइ आबा नासेहेङ इनाम प्यावा।

नेलाइ चाहि एसा दोअ्तेङ प्रार्थाना पासु: हे स्वर्गता हिका, केलाइको आबा परमेस्वर, नाङको मिङ जेलाउलाउ बुङ पबित्तरो जेनाको। नाङको सासन ल्वाको स्वर्गता हिसिका हि, इन्सिकाङ नाङको इच्छा इदोङ सुमिङता पुरा जेनाको।

नानि केलाइको दिनाङको चाका-आम्का पि।

केलाइको पापगेलाइ स्यामा पापि, जेसाङ केलाइ बुङ केलाइको बिरोधता पाप पाकालाइहेङ स्यामा पिका हिनाहि।

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

हाइपालिपानु नाङको बिरोधता पाप पाकाहेङ स्यामा पापिनु स्वर्गता हिका नाङको आबा परमेस्वर बुङ नाङको पाप स्यामा पाप्यावा।

आकासता उराइका जिहाँ-जुइलेङगेलाइहेङ खाङसु, ना ते इम्बालाइ चालाइ दोङ बिअ्खे, ना ते सिसा दोङ चेखे ना ते भाकारता जोम्पाखे। कालाउ बुङ स्वर्गता हिका नेलाइको आबा परमेस्वर दोङ ओबालाइहेङ चापाखे-आम्पाखे। कालाउ नेलाइ जिहाँ-जुइलेङगेलाइ खान्तेङ हेन्जा दामको हिसुन्हा।

प्रिथिबिता ताइको भाअ्सिङ धन सम्पति माजोम्पासु, जेता पेसा कालाउ पाचितेङ नासाखे, जेता खुकालाइ साअ् ह्रातेङ खुपुखे। भरु ताइको भाअ्सिङ रेम्का काम पातेङ स्वर्गता इनाम निङसु। जेता ना ते पेसा पेकावा ना ते पाचियावा कालाउ ना ते खुकालाइ दोङ खुवावा। हाइपालिपानु जेता नाङको धन हिखे, इन्ता नाङको मन बुङ ह्यावा।

हासु बुङ एनोङ दोङ सोमोइता न्हेमि गिह्रिको सेवा पालि मादावा। हाइपालिपानु वा दोङ एमिहेङ प्रेम पावा कालाउ भेनेङहेङ खाङलि माकितावा। कि त वा एमिको दोअ्का कितावा कालाउ भेनेङहेङको दोअ्का चाहि हाइ दोङ वास्ता मापावा। ओदोङ भाअ्सिङ, नेलाइ बुङ परमेस्वर कालाउ धन न्हेमिको सेवा एनोङ दोङ सोमोइता पालि मादोस्वाना।

ओदोङ भाअ्सिङ परमेस्वर दोङ मिलिङको घासि जेदोङ नानि हि, जुम्नि मेता थाइगिल्न्हावा पानु इसिका घासिहेङते परमेस्वर साजाइतेङ ताअ्खे, झन परमेस्वर नेलाइहेङ निसित रुपता रेम्फा सामाराइयावा। हाइ पालि नेलाइको खाङधुरि कमि हि?

कालाउ नेलाइ हासुहेङ बुङ दान पिलाउ आरु द्‍याङगेलाइ थाहा मानिनाको। नाङको पिका दान मातिङकाता ह्याको, कालाउ नाङको स्वर्गिय आबा जाइ मातिङकाता बुङ तिङलि दोअ्खे, कालाउ नासेहेङ इनाम प्यावा।

चङख जेङतेङ हिसु! नेलाइ द्‍याङगेलाइहेङ तिङपालिको भाअ्सिङ ताइको रेम्का काम मापासु, माकुनुते नेलाइको स्वर्गिय परमेस्वर आबासो हिदोइ बुङ इनाम मानिङस्वाना।

जेलाउ नेलाइ बारि सुखेना, कपटिगेलाइ भाइपा मुइका ह्राइ माबानाइसु। हाइपालिपानु कपतिगेलाइते बारिका हिनाहि दोअ्तेङ आरु द्‍याङगेलाइहेङ तिङपालि मुइका ह्राइ बानाइतेङ हिखे। का नासेहेङ जातिङ भारि दोअ्खा, कि इम्बालाइ ताइको इनाम निङलि दोका हि, जेदोङ चाहि द्‍याङगेलाइको बाखिनसो हि। जेलाउ नेलाइ बारितेङ हिलाउ ताइको पुरिङता चुइति लागाइसु, कालाउ मिधुतेङ हिसु। एन्सा पालाउ द्‍याङगेलाइ माको, कालाउ मातिङन्हाका थामेता हिका आबा खिनिङ नेलाइको बारितेङ हिका तिनावा, कालाउ नेलाइहेङ नाङको स्वर्गिय आबा मातिङका थामेता पाका काम तिङलि दोका नासेहेङ इनाम प्यावा।