I Versetti Biblici più popolari da Juan 12

Condividi

Jun we kraj ku'an upatan chwij chterej ni chwij, man xaipa in o wi yin xaq chila uri kk'iji wi i wajchak wu'; jun we ku'an upatan chwij, koksax ni uri u'ij rumal Inqajaw —xcha i Jesús.

Jun winaq chi k'ax kuna uk'aslemal waral chwach i jyub' ta'aj xa kusach uwach uk'aslemal saqil. Xwiri jun winaq chi k'ax ti kuna uk'aslemal waral chwach i jyub' ta'aj, lik kuk'uxlaj uri uk'aslemal saqil chi nti uk'isik.

Lik qatzij pacha ku'an i ija re i trigo are ktzaq pulew kkam taj, lik utukel kkanajik, xwiri we kkamik, kuya k'iyal uwach.

Yin in saq chi in k'unnaq chwach i jyub' ta'aj, pachin jun kinukojo lik kk'iji ti uri pa equm.

Xwiri pachin jun kuta intzij xaq kkojon ti che, Yin ti uri kin-at tzij puwi, man Yin in k'unnaq ti chu'atik tzij pkiwi i winaq, Yin in k'unnaq are elsab'al ke i winaq chisaq.

I ati Mariy rok'am jun b'axo kunb'al chi lik muy xaq lik paqal rajil, elsam che jun saqil es nardo ub'i. Xukoj i kunb'al muy le che i raqan i Jesús, te'uri xuchaqijsaj ru' uwi. I kunb'al le lik x-e ronojel umuyal pa ja.

Rumali xkitzukuj uxaq palma xaq xe'e chuk'ulaxik i Jesús. Are ketijin che i b'e, xesik'in chub'ixkil i tziji: —¡Chojato! ¡Lik nim u'ij i jun chi kk'un pub'i i Ajwal! Xaq ¡Lik nim u'ij i Ajawinel ke aj Judío! —Keje ile xesik'in chub'ixkil.

Are uri i Jesús xub'ij chke: —Xuriq i ij chi k-aljinsax u'ij pacha Winaq chi Xolalaxoq chwach Ulew.