I Versetti Biblici più popolari da G%E9nesis 3

Condividi

Are uri i ixoq xrilo chi lik chom uwach i che' le re ktijawik, rumali xpe urayixik che man lik ch'umb'al k'uxij re riqb'al no'oj, rumali xuch'up an jun uwach i che' le, xutijo xaq xuya re i rachijil. I achi xaq xutijo pacha xu'an i rixoqil.

I kumatz, lik saqlej chkiwach konojel i chikop aj pa taq es chi je u'anom i Ajwal Dios; i kumatz le xub'ij che ixoq: —¿Qatzij uri chi xub'ij i Dios chiwe chi kitij ti uwach i jalajuj taq che' pa tikonb'al?

Kinkoj ni ch'oj chixol ru' ixoq le, xaq chkixol amuq axikin ku' umuq uxikin ixoq le; i umuq uxikin i ixoq le kkiwach' ni ajolom, xwiri yet karaxij ni kixtixil. Keje ile xub'ij i Dios che i kumatz.

Te'uri xub'ij che ixoq: —Saq laj tzij, kintz'ab'ij ni uk'axk'ol atujanik, ru' uk'axk'ol keawalaj ni awak'al; xwiri tupu lik katij uk'axk'ol le, lik kamayij ti urayixik awachijil, xaq are ire krajawin ni pawi.

Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.

Xaq xub'ij che i achi: —Rumal xatkojon che awixoqil xaq xatij uwach i che' chi xinb'ij chawe chi katij taj, wo'or lik nim i k'oq kreqaj ni ulew awumal yet, ru' i k'ax laj taq chak kach'ak ni awa ronojel ij re ak'aslemal.

I Dios xutz'onoj che: —¿Pachin taq xb'in chawe chi at ch'analik? ¿Xatab'a xatij uwach i che' chi xinb'ij chawe chi katij taj?

Are xe'elsax b'i i winaq le, i Dios xeukoj jub'an querubín prelb'al ij che i tikonb'al Edén, xaq xukoj jun ch'ich' chi k'ulala o uware chi ktoqow a' che, chi k'ulala k-ek, tz'apb'al re i b'e chi k-e ru' i che' re i k'aslemal.

I achi xuya pub'i rixoqil al Eva, man ire are ni kichuch konojel i winaq chwach i jyub' ta'aj.