I Versetti Biblici più popolari da Intaliko 6

Condividi

Achaleka Imfumu e Leza alwilwintika kwe chino welewulizile awantu munsi, choo achimuvitisya nkaninye.

Imfumu e Leza alola kuno uluwembu lwa wantu lwakulisya munsi, swinya alola kuno na melengania ya mu myezo yawo yalandalila ukuwipa amanda yonsi.

Ukuwa Nowa azanwa amuyane paminso ya Mfumu e Leza.

Na koo a kuli kunyama kwi kwata lyakwe Nowa. Nowa walinji a mulungamane, nanti ndema; Nowa wakonkanga Leza.

Apano Imfumu e Leza ati, Nandi ndovye munsi awantu wane nelewuzile, awantu ni vinyamana vyonsi vino vikasela ni nyunyi zya mupela, amuno chamvitisya pakuvyelewula.

Walanga pano awantu watalika ukuvula munsi, awana wakazyana awakwatwa kwakwe woliwo. Awanakwe Leza awalola ukuzipa kwa wakazyana, nga wayisolela awakutwala. Achaleka Imfumu e Leza avwanga ati, Umuzimu wane wutanga wi kale mu muntu pe na pe, amuno weni a mulawa. Uwulanzi wa manda yakwe wuliwa imyaka umwanda wonga ni myaka amakumi yawili (120). Mu mandanye yayo iviwantu vikulu vyalinji munsi amuno awanakwe Leza wayile ku wakazyana wa wantu awapapa awana. Iviwantunye vyovyo avino vyalinji awantu wakulu awalumbililwe mu mpindi-nye yoyo inkali.

Nowa achita wowonye; wachisile vyonsi vino Leza wamunenile.

E Leza anena Nowa ati, Nkulonda ukulovya awalawa wonsi; amuno munsi mwizula nimpokoto zyawo; lola nandi mbalovye mbonone apaliponga ninsinye

Kayiwazile uwato wa matabwa matali; uwike mwenemo ni miputule, umatilile uwato mukasi na ku londe ninamba.

Leza alolechesya kuno insi yononesile; imiwele ya wapuma wonsi munsi yononesile.

Swinya uliyinjila mu wato ni vya vumi vyonsi viwili-viwili, ichonsi ni chanachi alyakuti uyize uvitule