I Versetti Biblici più popolari da Wongeela Maatewoosii 5

Condividi

Eennulle ifa issee, akka nama mana keessa jiru maraaf ifa kennu, waan ifi irra keyamu irra keya malee, gonbisoo jala hin keyu. Akkasuma akka kolbaan hujii dansaa teessan dhaggitee Abbaa keessan ka ol-gubbaa jiru ulfeessitu, ifi keessan nama duudii duratti ifuu ti” jedheen.

“Isin ifa biyya lafaa ti. Qachaan gaara gubba'atti ijaarame dhokatiisa hin dande'u.

Worri gadhaa qullu'uu gammaduu; isaan Waaqa hin dhaggan!

“Worri balchummaa beelotuu fi dheebotu gammaduu; Waaqi isaan hin quussa.

Ani ammoo isinitti hima: diinota keessan jaalladha'a; worra isin miidhuufille daadimadha'a.

“Worri le'ii Ayyaanaatiin hiyyeeyyii akka te'ane itti dhage'antu gammaduu; mootummaan Waaqaa ta isaanii ti!

Worri nageya buusu gammaduu; isaan ijoolee Waaqaa hin jedhaman!

Worri gadde gammaduu; Waaqi isaan hin jajjabeessa!

Worri balchumma'aaf miidhamu gammaduu; mootummaan Waaqaa ta isaanii ti!

Worri namaaf mararfatu gammaduu; Waaqi isaaniif hin mararfata!

“Sababa kiyyaaf jettee yennaa kolbaan isin arrassitee, isin miitee, dharaan gurra isin balleessite gammmada'a. Isaan raagota worra isiniin duraatuu akkasuma miidhane. Gatiin teessan ol-gubba'atti guddoo waan teeteef, gammada'aatii ilillisa'a” isaaniin jedhe.

Worri ifi gad qabu gammaduu; isaan lafa hin dhaalan!

Yesuus itti dabalee, “Isin soodda lafaa ti; ammoo sooddi yoo kuraa ifii dhabe, attam deebi'ee kurawuu dande'a? Alatti gatamee miilaan dhiitama malee, womaa bu'aa hin qabu.

Abbaan keessan ka ol-gubba'aa mijuu akka te'e, isinille mijuu te'a'a” jedhe.

Dubbiin teessan ‘Ee’ yoo teete ‘Ee’, yookiin ‘Waawwoo’ yoo teete ‘Waawwoo’ teetuu ti; wonni kana irra caale seexana irraa dhutte” jedhe.

“‘Ilti, ilaaf; ilkaan, ilkaaniif’ akka jedhame isin dhageettaneertan. Ani ammoo isinitti hima: nama si yakke haluu hin bayin. Nami tokko yoo boqoo middaa si dhabanaase, taanille itti garagalchi

Ilti teeti ta middaa yoo cubbuu si hujachiitte, ifi keessaa baasiitii gati; nafi keeti duudiin gara qile'ee gatamu'uu mannaa, nafa keeti keessaa tokko fafoottu si'iif woyya. Harki keeti ka middaa yoo cubbuu si hujachiise, ifi irraa kutiitii gati; nafi keeti duudiin gara qile'ee deemu'uu mannaa, nafa keeti keessaa tokko dhabuu si'iif woyya” jedhe.