I Versetti Biblici più popolari da Yoh 1

Condividi

Kwonka abaamwakiire bakamwikiriza, akabaha obushoboorozi bw'okuba abaana ba Ruhanga

Omu kutandika, Kigambo akaba ariho; Kigambo akaba ari hamwe na Ruhanga, kandi Kigambo akaba ari Ruhanga.

Ogwo mushana gujwera omu mwirima, kwonka omwirima tigukaguraazaga.

Kigambo ogwo akaba omuntu, yaatuura omuriitwe aijwire embabazi n'amazima; twareeba ekitiinwa kye ekiri nk'eky'Omwana omwe wenka owaarugire ahari Ishe.

Ebintu byona niwe yaabireeteire kubaho; kandi ahatari we, tihariho kintu na kimwe ekyahangirwe. Omuriwe amagara nimwo gaabaire gari, kandi ago magara gakabeera abantu omushana.

Aha izooba eryakuratsireho, Yohaana ku yaareebire Yesu naamwizira, yaagira ati: Nimureebe Omwana gw'Entaama wa Ruhanga, oihaho ekibi ky'ensi.

Kigambo akaba ari omu nsi, nobu araabe niwe yaareeteire ensi egyo kubaho, kwonka egyo nsi teramumanyire. Akaija owe, haza abe tibaamwakiira.

Owaabaire ari omushana gw'amazima, ogujwera abantu boona, akaba naija omu nsi.

Manya eiteeka rikaheebwa niriraba omuri Musa; embabazi n'amazima byo byaija nibiraba omuri Yesu Kristo.