I Versetti Biblici più popolari da Za 10

Condividi

Mwiifi wun'kwisilë tokë mu kwiibë, kuvoondë i kutyamunë. Kasi miinu yiyisilë bwiinji baatu bëbakë luziingu luke lunduu.

Miinu n'luungë wumboti. N'luungë wumboti wubelëminë mu kuvaanë luziingu lwaandi mu cibilë ci mëmemë maandi.

Mëmemë maami mu n'kuwaangë mbeembwaami, miinu yimëzabisi i maawu mëlë mu ke kun'laandaangë.

Miinu yibëvaanë luziingu lu sakë yi sakë, maawu kupodi ve kuzimbilë i muutu ve wumëvokënë mu myookwaamë.

Miinu livitu li n'zo. Wunë wun'kotë wun'vyokilë fëke miinu, naandi wun'vuukë. Naandi wun'kotë i wum'basikë, i wum'bakë ndiiwaandi.

Miinu n'luungë wumboti. Miinu yizabisi mëmemë maami i maawu mën'zabisi

Linë Tataami wukum'paanë mwiinji bunenë yi byakë byooso i muutu ve wum'podi kubotulë cin'velë mu kooko ku Tataami. Taatë i miinu, muutu mweekë tukeeli. »

bo bumweekë Taatë wukun'zabisi i miinu yizabisi Taatë. Miinu yin'vaanë luziingu lwaami mu cibilë ci mëmemë maami.

Muutu ve wum'podi kum'pokënë luziingu, kasi miinu yi luvaanë mu n'vwiilwaamë. Miinu yike lutumu mu kuvaanë luziingu i mu kube luboongooso. Lya lyoolyo libe fwanëkënë mu n'swa wo Taatë kum'paanë. »

Yeesu wutubooso : « Licyelikë, licyelikë yilukaambë : Miinu livitu li n'zo civaku ci mëmemë.

Wunë wun'salilaangë tokë mu cibilë ci mboongo, naandyoowo wukeeli ko n'luungë wumboti, mëmemë mëkeeli maandi ko. Fanë cikuumbu cin'kwisilë, naandi wun'lekulë mëmemë i wun'tiinë. Cikuumbu cim'bwiilë mëmemë i cin'tyamunë n'kaangu wooso.

Licyelikë, licyelikë yilukaambë : « Wunë wun'kaambu kukotilë fë livitu li civakë ci mëmemë, kasi wunë wun'yaangë cibakë mu kukukotë ku n'zo, naandyoowo mwiifi, cituutë.