I Versetti Biblici più popolari da Kutoma 1

Condividi

Tenepo Mulungu adalonga mbati, “Tendeni tisasanye anthu akulandana na ife, pontho akukhala ninga ife. Iwo anatonga nsomba, mbalame, na nyama zonsene zakufuyiwa, zam'tsanga, pontho na zakukambadza padziko yapansi.” Natenepo Mulungu adalenga anthu akulandana na iye; mukulandana na Mulungu iye adalenga anthu. Iye adaalenga mamuna na mkazi

tenepo adaatsanzayisa mbalonga kuna iwo mbati, “Balanani mbamuinjipe. Dzazani dziko yonsene yapansi kuti mukhale na utongi padzikoyi. Ndikukupasani utongi pana nsomba zonsene, mbalame zonsene, na nyama zonsene za mtundu na mtundu padziko yapansi pano.

Pakutomaletu Mulungu adalenga kudzulu na dziko yapansi.

Dziko yapansi ikhali nkhabe kuoneka kwache, pontho pakhali nkhabepo chinthu na chibodzi chene. Mdima ukhali padzulu pa madzi akuzwika ale adazungulira dziko yapansi, pontho Mzimu wa Mulungu akhambuluka-mbuluka padzulu pa madzi.

Tenepo Mulungu adalonga mbati, “Mbakukhale cheza.” Tenepo cheza chidaoneka.

Mulungu adayang'ana pana pyonsene pidasasanya iye mbaona kuti pikhali pyadidi. Mosiku udagwanda, machibese mbafika; yeneyo ikhali nsiku yachitanthatu.

Mulungu adaona kuti chezacho chikhali chadidi, tenepo adasiyanisa cheza na mdima.

Ndikukupasani pyakumera pyonsene pyakukhala na ngala padziko yapansi, pontho miti yonsene yakubala nsapo zakukhala na nthanga kuti mudye.

Mulungu adathula chezacho masikati, mdima adauthulambo mosiku. Mosiku udagwanda, machibese mbafika; yeneyo ikhali nsiku yakutoma.

Tenepo Mulungu adalonga mbati, “Mbapakhale chakulekanisa madzi, towera madziwo akhale pambuto ziwiri.”

Mbwenye kuna nyama zonsene zam'tsanga, mbalame zonsene, pontho pyakukambadza pyonsene padziko yapansi, chinthu chonsene chamoyo mwenemo, ndapereka maudzu na masamba a pyakumera kuti pikhale phoso yawo.” Ipyo pidakhaladi tenepo.

Tenepo Mulungu adalonga mbati, “Mbakukhale pyakumwinikira kuthambo kusiyanisa mosiku na masikati, pontho kuonesa kutoma kwa nsiku, ndzidzi wa chaka, na pyaka

Tenepo Mulungu adalonga mbati, “Dziko yapansi mbibale mtundu onsene wa pyakumera, pile pyakukhala na ngala, pontho miti yakubala nsapo zakukhala na nthanga.” Ipyo pidakhaladi tenepo.

Natenepo Mulungu adalenga chakulekanisa madzi chile, mbalekanisa madzi a pansi na madzi a kudzulu. Ipyo pidakhaladi tenepo.

Natenepo dziko yapansi idamera mtundu onsene wa pyakumera, pile pyakukhala na ngala, pontho miti yakubala nsapo zakukhala na nthanga. Tenepo Mulungu adapiona kuti pikhali pyadidi.

Natenepo Mulungu adalenga pyakumwinikira pikulu-pikulu piwiri, dzuwa kuti itonge masikati, pontho mwezi kuti utonge mosiku. Iye adalenga pontho nyenyezi.

Tenepo Mulungu adalonga mbati, “Madzi a pansi pa thambo mbagumanyike pambuto ibodzi, towera nthunda ioneke.” Ipyo pidakhaladi tenepo. Mulungu adathula nthunda ile, “Dziko yapansi,” pontho adathula madzi adagumanyikana ale, “Bara.” Tenepo Mulungu adapiona kuti pikhali pyadidi.

Mulungu adatsanzayisa pyonsenepyo mbapanga pyakulengwa pyonsene pya m'madzi kuti pibalane na kuinjipa m'bara, pontho adapanga mbalame kuti ziinjipe padziko yapansi.

Tenepo Mulungu adalonga mbati, “Padziko yapansi mbapakhale nyama zamtundu na mtundu, zakufuyiwa, zam'tsanga na zakukambadza zene, pontho zikulu na zing'ono zene.” Ipyo pidakhaladi tenepo.

Tenepo Mulungu adalonga mbati, “M'madzi mbamuinjipe na pinthu pyamoyo pya mtundu na mtundu, pontho mbalame zizinji mbazimbuluke padzulu pa dziko yapansi.”

Mulungu adalenga nyama zonsene zam'tsanga malingana na mtundu wawo, nyama zonsene zakufuyiwa malingana na mtundu wawo, pontho na nyama zonsene zakukambadza malingana na mtundu wawo. Tenepo Mulungu adapiona kuti pikhali pyadidi.