I Versetti Biblici più popolari da यूहन्ना 3

Condividi

“किबैकि परमेश्वरै दुनिया रै लोका सैंघै ऐण्ढी झ़ुरी रखी कि तेइयै आपणा इकलौता बेटा धिना ताकि ज़ो कोई तेई पैंधै बशाह केरला तेई नाश नैंई होंणा पर हमेशा री ज़िन्दगी पाणी।

परमेश्वरै आपणा बेटा एक दुनिया न तैबै नैंई भेज़ू, किबैकि दुनिया पैंधै सज़ा रा हुक्कम देला पर तैबै कि दुनिया तेई रै ज़रियै मुक्ति पाऐ।

मसीह यीशुऐ तेइबै बोलू, “हांऊँ तौभै सच़-सच़ बोला सा, ज़ो कोई नौंऊँईं धिरै न नी जन्मला ता परमेश्वरा रा राज्य नैंई हेरी सकदा।”

ज़ुण कोई यीशु पैंधै बशाह केरा सा, तेई पैंधै सज़ा रा हुक्कम नैंई होंदा, पर ज़ो कोई तेई पैंधै बशाह नैंई केरदा, सौ दोषी बणा सा, तैबै कि तेइयै परमेश्वरै रै इकलौते बेटै रै नाँ पैंधै बशाह नैंई केरू।

होर सज़ा री हुक्कमे रा मतलव ऐसा कि प्याशा दुनिया न आऊ सा, होर मांहणुऐ निहारै बै प्याशे न ज़ादा खरा बुझू किबैकि तिन्हां रै कोम बुरै सी।

ज़रूरी ऐसा कि सौ बढ़ला होर हांऊँ घटनू।”

किबैकि ज़ो कोई बुरा केरा सा सौ प्याशे सैंघै वैर डाह सा, होर प्याशे रै नेड़े नैंई ऐन्दा, ऐण्ढा नी हुआ लोड़ी कि तेई रै कोमा पैंधै दोष लागला।

ज़ो परमेश्वरा रै बेटै पैंधै बशाह केरा सा, हमेशा री ज़िन्दगी तेइरी सा; पर ज़ो बेटै री नी मनदा, तेइयै ज़िन्दगी भी नैंई हेरणी, पर परमेश्वरा री सज़ा तेई पैंधै रौहा सा।”

होर ज़ुणी रीति न मूसै बौणा न कीड़ै (साँपा) बै उथड़ै पैंधै च़ढ़ाऊ, तैण्ढी रीति सैंघै ज़रूरी सा कि हांऊँ मांहणु रा बेटा भी उथड़ै पैंधै चड़ाईणा।

बापू परमेश्वर बेटै सैंघै झ़ुरी डाहा सा, होर तेइयै सैभ चीज़ा तेइरै हौथा न धिना सा।