I Versetti Biblici più popolari da मत्ती 10

Condividi

“हेरा, मंऐं आसा लाऐ दै तम्हैं भेडा ज़िहै धेल़णै च़िरनैं आल़ै भेड़ियै ज़िहै लोगा मांझ़ा लै छ़ाडी। तम्हैं रहै दानुईं ज़िहै च़लाक और पालल़ी ज़िहै भोल़ै।

किल्हैकि ज़ुंण बी एसा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

“तम्हैं निं तिन्नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण आत्मां और देही दुही सका नरकै बरैबाद करी।

ज़ुंण बी आपणअ क्रूस आप्पै आपणीं कान्हा च़की मुंह पिछ़ू नांईं एछे सह निं मुंह जोगी आथी।

“हुंह बोला तम्हां का कि ज़ुंण मुंह मणछे सम्हनै मनें, सह मनणअ मुंह स्वर्गै आपणैं बाप्पू परमेशरे सम्हनै। पर ज़ुंण मेरै बारै होरी मणछा मेरै बारै हुधिए, तेऊ लै हुधणअ मुंह बी स्वर्गै आपणैं बाप्पू परमेशरा सम्हनै।

बमार मणछे बमारी करै दूर ता मूंऐं दै करै ज़िऊंदै और कोल़्हे बमारी आल़ै करै राम्बल़ै। भूत काढै दूर, तम्हां आसा मुफ्त भेटअ द और लोगा लै बी दैऐ एता मुफ्त।

तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।

“इहअ निं समझ़ा कि हुंह आसा पृथूई दी मेल़-ज़ोल़ करदअ आअ द, हुंह निं मेल़-ज़ोल़ करदअ आथी पर तिन्नां मांझ़ै ज़ुंण मुंह पिछ़ू एछे तिंयां करनै मुंह ज़ुदै।