I Versetti Biblici più popolari da Joni 1

Condividi

Pele aabo bakamutambula akumusyoma wakabapa nguzu zyakuba bana ba Leza.

Kumatalikilo ooyo uutegwa Jwi wakaliko kale. Lino wakali aantoomwe a Leza, alimwi ngu Leza.

Mumuni ooyu ulamunika mumudima, pele mudima tuukonzyi kuuzunda pe.

Nkabela Jwi eelyo lyakaba muntu, wakasika kuzookkala akati kesu kazwide luzyalo abwini. Swebo twakeebela bulemu bwakwe, bulemu bwa Simuzyalwa alikke wa Wisi. Wakali aaluse akwaamba zyakasimpe lyoonse.

zintu zyoonse zyakalengwa anguwe naatali nguwe nikwatakalengwa cintu niciba comwe. Muli nguwe momwakali buumi, nkabela buumi oobu bwakali mumuni wabantu.

Nibwakaca Joni wakabona Jesu kaza kulinguwe, mpoonya wakati, “Amubone Mwanaa Mbelele wa Leza, uugwisya zinyonyoono zyanyika!

Walo wakalimo munyika muno, nyika yakalengwa kwiindila muli nguwe, nikuba boobo bantu bamunyika tiibakamuzi pe. Wakaza kucisi cokwabo, pele bantu bakwe tiibakamutambula.

Ooyu ngonguwe Mumuni wini-wini wakaza ansi kuzoomunikila bantu boonse.

Milawo yakapegwa kwiindila muli Mozesi, pele luse abwini zyakazibwa kwiindila muli Jesu Kilisito.