I Versetti Biblici più popolari da Matius 5

Condividi

Ka' uga' sianta mian men muntutungi boloak, kasi mansa'u tia gumbang. Kasee sabole uga' pokelaonna na sulaanna boloak iya'a kada' sida munguruari giigii' mian men na laigan iya'a. Koiya'a uga' a ruarmuu tiodaa kampiile'an na mian kada' i raaya'a mimiille giigii wawaumuu men pore, kasi muntunde' Tamamuu men na surugaa.”

Kuu uga' ruar bona mian na tano' balaki'. Sa'angu' kota na wawona buu'na sian pokoon bo lilungkonon.

Barakaatan a mian men molinas a noana, gause i raaya'a bo mimiile' Alaata'ala!

Barakaatan a mian men tongko' mingkira'kon mangawawau men kikira'na Alaata'ala, gause Alaata'ala bo mantarai men kikira'na.

Kasee bantilkonon-Ku na ko'omuu se' kolingu'kon a mian men maso'kon i kuu, ka' sambayangkon a giigii' mian men mantalalais i kuu.

“Barakaatan a mian men talalais ka' tongko' mongooskon Alaata'ala, gause i raaya'amo a mian na Batomundo'anna Surugaa!

Barakaatan a mian men mantakakon pooka'amatan, gause i raaya'a bo ngaanon anakna Alaata'ala!

Barakaatan a mian men noana masiongo', gause Alaata'ala bo mantata'u i raaya'a!

Barakaatan a mian men talalaison gause mingilimang koi men kikira'na Alaata'ala, gause i raaya'a men bo pontombonoi Batomundo'anna Surugaa!

Barakaatan a mian men molingu'kon mian sambana, gause raaya'a uga' bo kolingu'kononna Ataata'ala!

Barakaatan i kuu men irokion, talalaison, ka' potaekonon gause i kuu mongololo' i Yaku'! Nabii men notuo' olukon uga' nitalalais koiya'a! Bi lewa' ka' beles i kuu, gause balaki' tuu' a tambona Alaata'ala men nitoropotikonmo na surugaa bo ko'omuu.”

Barakaatan a mian men mompopokoo' wakana, gause i raaya'a bo pontombonoi tano' balaki kani'i!

“Kuu mase timuson bona mian na tano' balaki'. Kalu timuson iya'a nalambasmo, sida mbali' wawauon ma'asing soosoodo? Sianmo kana'na saliwakon somo balo'konon ka' peepee'ionna mian.

Tamamuu men na surugaa mongkolingu'kon tuu' giigii' mian, sian momoosasala'kon. Mbaka' i kuu uga' tio koiya'a.”

Kalu daa, bi ngaanon, ‘Daa’, kasee kalu sian, bi ngaanon, ‘Sian’. Kalu saliwanakon iya'a, na ko'ona men gau'na ba'idek a norumingkatanna.”

“Kuu ninginti'imo pisiso' men koi kani'imari: Mata bolosion tia mata, ka' wese' bolosion tia wese'. Kasee bantilkonon-Ku na ko'omuu se' alian pangawaloskuu kalu mian mangka'idek i kuu. Tongko' kalu isian mian mangarapa' kasumpi'muu men paraas uanan, rookon soosoodo a kasumpi'muu men paraas kauri'.

Mbali' iya'a, kalu matamuu paraas uanan manggau'kon i kuu baradosa, kuati ka' balo'kon a matamuu inono'! Mbulokon sa'angu' sampana wakamuu anuion dako' wakamuu tibunta tibarkonon na naraka. Kalu limamuu men paraas uanan manggau'kon i kuu baradosa, kolongi ka' balo'kon a limamuu inono'. Mbulokon sa'angu sampan wakamuu anuion dako' wakamuu tibunta soopkonon na naraka.”