I Versetti Biblici più popolari da Shiyanso 19

Condividi

Leelo umudala wa Looti yuna akhandi kunyuma wáseetukha, wáloleela kunyuma, baaho wáava nsimbili ya muunyo.

ULooti wáava ana shitilutilu. Leelo, avamalayikha vala vamukhata iliwokho umwene nu mudala waakwe na vaali vaakwe. Vamuhumya mbakha kunja ya lijumbi, kwa kiiva uNguluvi wávasungupilaga mandu.

Vaganile kivahumya kunja ya lijumbi, umalayikha yumonga wávajovela wáaja, “Sigaji mandu kiija mukulushe! Musikhajelaji kiseetukha, khanji musikhajelaji kiyiima popoona pa lifunkho. Sijilaji mu fidunda, baheene mukulushe kibudwa!”

UNguluvi pina wágananganiaga amajumbi gina akhandi iikhala uLooti, wáali akumbwishe luna wámulombaga uAbulahamu, baheene wámukulusa uLooti kihuma mu majumbi gala gina gakhanyanyiilwe kwa mooto.