I Versetti Biblici più popolari da Yoano 1

Condividi

Alioze akwo yaalitambula, yaalifuliela. Kashika yiliaaha chiyulo cha kubwa ana ja Zambi.

Ha Ubutukilo, muze te Zambi kanda achitanga yuma, Liji liabwile kulu. Lie Liji liabwile hamwe ni Zambi, ni Liji liabwile Zambi.

Pangu liapangukile mu milima, ni milima kuyalikumbile ko.

Lie Liji yilialumuka mutu, yatwama mukachi ketu, mukwa utu ni umwenemwene. Yitumona uhenya wenyi unji, uhenya uze mwe Mwana hanatambula kuli Tato.

Zambi yatanga yuma yeswe ku ndundo jalio. Katangile nichimwe Chuma shina ni Liji. Liji lize liabwile chishina cha mwono, we mwono wapangulwishile atu.

Muze hikwacha, Yoano yamona Yesu kaneza kuli iye. Yamba ngwenyi: “Talenu mwe Mwana Panga wa Zambi yoze unachiza shili ya akwa hashi.

Lie Liji liabwile hano hashi, ni Zambi yatanga hashi ku ndundo jalio, hindu akwa hashi kaalinyingikine ko. Yiliza ku chifuchi chalio, alioze atu jalio kaalitambwile ko.

Mba yikwiza pangu liamwenemwene hano hashi mu kupangulwisa atu eswe.

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.