I Versetti Biblici più popolari da Paka-so 7

Condividi

KỊNỊNYANAḄỌ ḅe nwẹnị Mozizi ḅẹẹ, “Ḍikii, arị ị́ kẹ Tamụnọ sọma Fero pịrị ḅa, anịsakị í iyimbere Erọnị ị́ ịkịankoroḅọ sọ ḅa.

Kụma à Fero ḅioḅẹngbọ kụrọma ḅa, tẹ arị Ijiputi ama mẹ ḅio ì elekima ma na, ḅụụ-buama-aị ma na jaị, jaị mịẹ sọ. Fero ó poki ḍụkụ ḅịa, anị sakị rẹ mie arị ị̀ ḅara kẹ Ijiputi ọgọnọ gbana tẹ ị̀ atomi Izirẹlị owiapụ-awọmẹ kpo, kpo ma pakama-ḅo ḅarịye Ijiputi ḅụ, gburo-gburotẹ opu ḅẹrẹkọn amịẹaị mịẹ ḅara ḅụ.

Anịsakị arị Ijiputi Ọgọnọ ị̀ ḅara sụn-pakama tẹ ịna ogbo-ḅio Izirẹlịapụ ma pakama-ḅo sakị mie Ijiputi-ḅẹ-apụ ma nimi ḅarịye mịnẹ yẹrị anie KỊNỊNYANAḄỌ ḅee.”

Anịtẹso Fero nwẹnị ye-nimiapụ ma na, majịkị-mịẹapụ ma na sịn ḅo kobiri, tẹ ini Ijiputi ḅẹ majịkị-mịẹapụ ma sọ nwẹnị ịn ḍawọ tẹ ḍịn ḅọị aị ḅụ mị gbọrụ ye mẹ mịẹ. Kẹ gotẹ ọkọ ḅẹẹarị, ọrụḅọ-ọrụḅọ amịna mkpara kẹ wakị koromam tẹ arị oronwi amẹẹ ḍim. Kụma Erọnị mkpara ḍi oronwi ịna mkpara ma ḍi oronwi sịẹma mẹnị famam.

Mie KỊNỊNYANAḄỌ ḅe ḍuko yee, “Miemẹ ḅụ mie í nimi ḅarịye mịnẹ yẹrị anie KỊNỊNYANAḄỌ ḅee. ‘Ḍikii àrị mkpara mẹ tẹ ị̀ ḅara-ḅio simearị ye mẹ kẹ Nayịlị nwẹn-sịn tọrụ mẹ ḅẹ minji mẹ fomu ḅa, tẹ arị pịkị-ḅo ọmbie ḍi ḅa

“Fero ọ́ ḅẹẹm ọ́ ḅụụ-buamaye mịẹ ḅụ ọmịna aḅụụ ḍie-pakamaa ḅẹḅẹ, anị rẹ mie í Erọnị ḅẹẹ ḅarị ye, ‘ị́ mkpara mẹ ọkị tẹ anị wakị Fero tọrọkọ koromaa, mịẹtẹ anị oronwi ḍi ḅẹ ḅara.’ ” Mie ḅụ Mozizi na Erọnị na Fero dama-mu tẹ KỊNỊNYANAḄỌ ḅe tọn ḅara mịẹm. Erọnị Fero na ori afịrịmẹnjịapụ na tọrọkọ ori mkpara mẹ wakị koromam tẹ anị oronwi ḍim.