I Versetti Biblici più popolari da MATTHEW 18

Condividi

Azieh pen mi ni ahi a, thum ahi zongin keima’ min suonga a kikhop uleh amate lahah keima ka om hi.

Khatvei kang cikia-in, leitungah note ni kilungtuoh a na nget popo uh vantunga om ka Pa in ang pie ding hi.

Ama in naupang khat hlanin amahaw lahah omsah a, “A tahtah a kang ci-in, na kikhel vua naupangte tawh na kibah sih uleh vantung gam sungah na lut ngai sih ding uhi.

Tami naupangno banga a kiniemkhieh poma vantung gam sungah a lien pen hi pai hi.

Ka min tawh tam bang naupangno khat a limbawl poma kei ei limbawl ahi hi.

Ken a mantaha kang ci-in, leitunga na hen zosie vantungah kihen ding a, leitunga na sut zosie vantungah kisut ding hi.

Tuaci’n note in zong na lungsim sung vuah na sanggampa ahi sihle na sanggamnu’ mawna na maisah sih uleh, vantunga om ka Pa in tua ma bangin note tungah ang bawl ding hi,” a ci hi.

“Note lahah mi khatpo in keima ei um tami naupangnote khatpo a puasah leh, a ngawng kimvelah an gawina suong golpi khat khi-in tuili thuhpi sungah tummang dawh leh ama adingin hoizaw ding hi.

Bang na ci ngaisut vuoi? Tuucingpa khat in tuu zakhat nei hinlen tuate lahah khat gammang leh, sawmkuo le kuote muol tungah nuasie-in tua a gammang tuu sui dingin a pei sih ding amah?