I Versetti Biblici più popolari da Yohanes 10

Condividi

Raa taro to mnan fi raa ro mama mawe msyõf domba weto, tna mame domba weto, tna sikowah domba weto. Menohe Jõ tama afo re riof kʼana. Tama re kbe ana mhau bo mninon. Bokyas ro ati oh mefo.”

Tna Yesus yawe, “Jõ fi Raa ro tsia domba woJõ kaket. Ait ro ja ysia domba wait kaket to, soh ymat mtah rbyoh mama mafit domba wait re mabo to, ait waa fee. Ait yno wa re mtah reto mafit domba wait fee. Ysan yetsu rait mkah riof ro domba wait. Menohe ait ro kmot domba raa to, soh ait retait ymat mtah rbyoh mama mafit domba weto to, kbe ysam yamo sikba domba weto. Tibyo mtah mafit domba taro mabo, tna taro mamo brir-brar.

Domba woJõ to ja mhar Jõ tmai. Tna Jõ thar ana. Tna ana kro Jõ.

Jõ tno re ana meen mhau hame wajin. Meen ana mhai fee. Tna raa sait bo yatak ytak ana mam Jõ tatem bo fee saut.

Jõ fi tamo masa. Awya ro twok mam masa reto kbe ykai riof ro mase. Awya ro yama yo kʼJõ to, ait ynan fi domba ro ja mamo me mkai bosafom ro moof tna mabat.

Menohe Jõ fi raa ro kmot domba woJõ kaket. Jõ thar domba woJõ sau-sau, tna ana mhar Jõ ye.

Taja ro ysan ana kʼJõ retait tait yase ybo bombra beta. Tna raa aro matak re mtak ana mbam Ait yatem rAit fee. Jõ tsya Taja to Raa sau aran sai: Amu mbewok fo nhaf, nkit msya srau sau aran.”

Taja yhar Jõ tna Jõ thar Ait mfi feto ye. Tna Jõ bitsre Jõ tetsu aJõ raa mame afo kbe riof raa ro mnan fi domba woJõ.

Raa sait bo ytak tetsu aJõ kʼJõ fee. Jõ ksoh aJõ sai oh too tsan. Taja yno Jõ tatak re too tafos aJõ tsan tna tatak re tesait trok tasen ye.”

Feto to Yesus yawe kʼana yawe, “Jõ fi tamo masa ro domba twok.

Tna Yesus yawe, “Jõ fi Raa ro tsia domba woJõ kaket. Ait ro ja ysia domba wait kaket to, soh ymat mtah rbyoh mama mafit domba wait re mabo to, ait waa fee. Ait yno wa re mtah reto mafit domba wait fee. Ysan yetsu rait mkah riof ro domba wait. Menohe ait ro kmot domba raa to, soh ait retait ymat mtah rbyoh mama mafit domba weto to, kbe ysam yamo sikba domba weto. Tibyo mtah mafit domba taro mabo, tna taro mamo brir-brar.

Yesus yawe, “Nnaut: Domba mana mawat mhau mam ana (kandang). Tna ana reto masa rau sau aran sai. Raa sait ja yhau kmot masa reto. Ait ywan tok. Soh raa ro ja ysia domba wait yama to, ait ro kmot masa reto yawe raa refi yama twok. Menohe mfi bo raa sait yama wai, ait twok mam masa rau to fee, ait yaut ana reto yroh ti mato to. Anu bhar bwe ait retait raa ro ysyõf domba.