I Versetti Biblici più popolari da Jang 15

Condividi

Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò.

Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl.

Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆.

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he.

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê.

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

“Añ la tòm ño ngan, Bèp Añ la cau tam.

Dilah cau lơi ò ơm sùm tòm Añ gen kòl sang tơlik di tiah kung be ntê ne, gơ ro rañ gen cau dòñ, sang tòm ồs, mơ chu jơh.

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Añ bơto sồr bol mê ală bơta hơ̆, nàng bol mê kòñ gơboh bal mơ gơp.”

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.