I Versetti Biblici più popolari da Genesis 3

Condividi

Nakita sang babayi kon daw ano ang katahom sang kahoy, kag kon daw ano ayhan kanami sang iya bunga kon kaunon, kag nagpanghunahuna sia kon daw ano ayhan kanami kon sia magmaalam. Gani nagkuha sia sang bunga sang kahoy kag ginkaon niya ini. Dayon ginhatagan niya ang iya bana kag nagkaon man sia.

Karon ang man-og amo ang mas maayo gid magpadihot sang sa iban nga talunon nga mga sapat nga gintuga sang GINOONG Dios. Ang man-og nagpamangkot sa babayi, “Nagsiling gid bala ang Dios sa inyo nga indi kamo magkaon sang bunga sang bisan ano nga kahoy sang katamnan?”

Himuon ko nga ikaw kag ang babayi magadumtanay. Ang iya kaliwat kag ang imo kaliwat manginkaaway sa wala sing katubtoban. Ang iya kaliwat magadugmok sang imo ulo, kag magabuntog ka sang iya tikod.”

Kag nagsiling sia sa babayi, “Dugangan ko ang imo pag-antos sa imo pagbusong kag ang imo kasakit sa imo pagpamata, pero handumon mo gihapon ang imo bana, kag sia magagahom sa imo.”

Kinahanglan magpabalhas ka kag magaobra sing tudo gid agod makapatubas ang duta sing nagakaigo nga kalan-on para sa imo, tubtob magbalik ka sa duta sa diin ka maghalin. Kay ginhimo ka halin sa duta, kag sa duta ikaw magabalik.”

Kag nagsiling sia sa lalaki, “Bangod kay nagpamati ka sa imo asawa kag nagkaon sang bunga sang kahoy nga ginsiling ko sa imo nga indi pagkaunon, ang duta pagapakamalauton tungod sa imo. Magapangabudlay ka sing tudo sa bug-os mo nga pagkabuhi, agod makapatubas ini sing tuman nga pagkaon para sa inyo.

Ang Dios nagpamangkot, “Sin-o ang nagsiling sa imo nga hublas ka? Nagkaon ka bala sang bunga sang kahoy nga ginsiling ko sa inyo nga indi ninyo pagkaunon?”

Dayon gintabog sang Dios ang tawo pa gwa, kag sa nasidlangan sang katamnan sang Eden may ginbutang sia nga mga kerubin kag ang nagadabdab nga espada nga nagabalabag sa tanan nga alagyan agod nga wala sing may makapalapit sa kahoy sang kabuhi.

Ginhingalanan ni Adan ang iya asawa kay Eva kay sia ang iloy sang bug-os nga katawhan.