I Versetti Biblici più popolari da GENESIS 25

Condividi

Ug ang GINOO mitubag kaniya, “Adunay duha ka nasod sa imong taguangkan, ug ang duha ka katawhan nga mangatawo gikan kanimo magkabahin, ang usa kusgan kay sa usa ug ang magulang mag-alagad sa manghod.”

Ug si Esau miingon kang Jacob, “Pakan-a ako nianang pulapula nga sinabaw kay gigutom kaayo ako.” Busa ginganlan siya ug Edom.

Ug nag-ampo si Isaac sa GINOO alang sa iyang asawa, tungod kay siya dili makaanak ug ang GINOO mitubag sa iyang pag-ampo ug nagsamkon si Rebecca nga iyang asawa.

Unya si Esau miingon, “Tan-awa, hapit na ako mamatay, unsay kapuslanan kanako sa akong katungod sa pagkapanganay?” Si Jacob miingon, “Panumpa una kanako.” Ug siya nanumpa kaniya, ug gibaligya niya kang Jacob ang iyang katungod sa pagkapanganay.

Human niini migula ang iyang igsoon nga lalaki, ug ang iyang kamot mikupot sa tikod ni Esau ug gitawag nila ang iyang ngalan ug Jacob. Ug si Isaac nagpanuigon ug 60 ka tuig sa dihang gipanganak na kini sila.

Si Esau pinangga ni Isaac kay makakaon man siya sa pinangayaman niini, apan pinangga ni Rebecca si Jacob.