I Versetti Biblici più popolari da Yõaannẽ 10

Condividi

“Dtiic cĩ igorriaaktõ dioo ꞌcĩ aku ĩgõrꞌthĩ aꞌtha nẽ ucuhana nẽ ĩꞌthaan thõng. Nẽẽthĩ, dtiic caannĩ ꞌcĩ hakuu haaꞌnyĩkĩĩ aꞌtha rũgẽt vẽlẽk ꞌcĩ aalla ooo.

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Haaꞌnyihi naa aꞌtha rũgẽt ꞌcĩ aalla ooo nẽ aitiõõ hatĩ nẽẽg hõllõngaa adaahĩ ũdũt. Nẽ aitiõõ eet ꞌcĩ occa avvucanaanna nganĩĩt ĩhõõggõ athĩnĩĩ cĩgannĩg tõõ.

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

“Hĩĩnĩ naa tũhayyioohit ꞌcĩ abũnnaa. Haga naa aꞌtha cĩgannĩg nẽ agayyia aꞌtha cĩgannĩg buúk nganĩĩta.

Ĩllõõan Baaba baa aaꞌnya nganĩĩt ĩhõõggõ vẽlẽk. Aitiõõ ẽẽtĩ ꞌcĩ occa avvucana ĩhõõggõ athĩnĩĩ cĩgĩnnĩg tõõ. Hĩĩgĩnna naag hĩ Baaba hõdẽẽthõng.”

Hĩcĩ agayya nganĩĩt Baaba, haga naa buúk ĩnõõnnõ. Nẽ hẽlẽmanaa naa rũgẽt caannĩ, hĩnĩngĩtĩ aꞌtha cĩgannĩg.

Aitiõõ ẽẽtĩ ꞌcĩ aggamaanna nganĩĩt rũgẽt caannĩ tõõ. Hẽlẽmanaa naa rũgẽt caannĩ ẽmmẽn. Haꞌnyahi naa makaaꞌthĩt ꞌcĩ hẽlẽmanaanĩ rũgẽt caannĩ nẽ hõbõdaaĩ tarĩ, hĩ baa aduhaaka Baaba.”

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Aitiõõ tũhayyioohiti ꞌcĩ adũmanniaa thõng, hõllõngaa ĩĩn baattĩ aꞌthaannu. Nẽ ma udtuuha nẽẽ huduumot, ũũnnĩk hinnia hatĩ aꞌtha ẽmmẽn nẽ ivvira. Nẽ ikia adak huduumotĩ aꞌtha nẽ ĩꞌthaan ĩhõõggõ.

Baa õthõõth Yeesu aĩ, “Haduhaakuung dĩdĩ, ẽẽtĩ ꞌcĩ hõllõngaa aduhun logguur cĩ aꞌthaannu hattũũgaa cobbi nẽ ĩꞌngõtha araana ꞌgõõlaa umwaanĩ huduhuna ĩĩttõõ, ĩĩn nẽẽ igorriaahit.