I Versetti Biblici più popolari da Ju 3

Condividi

Khorench, Tacher bhavart tthevta tea dôr-eka mon’xacho nas zaina zaunk punn taka Sasnnik Jivit mellchê khatir, Devan Aplea ekleach Putak dilo: itlo Tannem sonvsaracho môg kelo!.

Kiteak sonvsaracher khastichem formonn marunk nhoi, punn Puta vorvim sonvsarachem taronn zaunchê khatir Devan Taka sonvsarant dhaddlo.

Jezun taka portipall kelo; “Khorench khorem Hanv tuka sangtam: novean zolmolea bogor, konnachean Devachem raj polleunk zaina.”

Jim konn Tacher bhavart tthevtat tankam khastichem formonn na; punn jim konn Tacher bhavart tthevinant, tancher khastichem formonn poddlelem asa, kiteak tãnnim Devachea ekleach Putacher bhavart dovrunk na.

Ani hoch to nivaddo: sonvsarant uzvadd ailo, punn mon’xamnim Uzvadda poros kallokacho odik môg kelo, kiteak tanchim kortubam noxttim aslim.

To vaddot vochunk zai, punn hanv zalear odik-odik lhan zaunk zai.”

Khorench, khotteponn kortat tim uzvaddak kanttalltat ani aplim kortubam koslim tim kollon iena zaunk uzvaddak ienant.

Putacher bhavart dovortat tanchê sovem sasnnik jivit asa; Putak khaltim zaunk kobul nant tankam jivit mellchem na, punn Devacho krôdh tanchea mathear asa.

Zoso Moizesan oroneant sorôp ubarlo, tosoch Dev Mon’xachea Putak ubartolo: oxem Putacher bhavart tthevteleam somestank sasnnik jivit astelem.

Bap Putacho môg korta ani Tannem soglleô vostu Tachea hatant dileat.