I Versetti Biblici più popolari da Genesa 2

Condividi

Leswi hi swona swi endlaka leswaku wanuna a siya tata wa yena ni mana wa yena, a ya namarhela nsati wa yena, va endla nyama yin'we.

Kutani HOSI Xikwembu xi ku: “A swi sasekanga loko munhu a tshama a ri yexe; ndzi ta n'wi endlela nakulobye loyi a n'wi fanelaka.”

Kutani HOSI Xikwembu xi vumba munhu hi ntshuri wa misava, xi huhutela moya lowu nyikaka vutomi etinhompfini ta yena, kutani munhu a va xivumbiwa lexi hanyaka.

Hiloko munhu a ku: “Aha, loyi i rhambu ra marhambu ya mina, ni nyama ya nyama ya mina; ú ta vuriwa wansati, hikuva ú humesiwile eka wanuna.”

Hikokwalaho, Xikwembu xi katekisa siku leri ra vu-7, xi ri endla leri hlawulekeke, hikuva hi siku leri xi wisile entirhweni wa xona hinkwawo lowu xi wu endleke loko xi tumbuluxa swilo.

Wanuna ni nsati wa yena a va tshama va nga ambalanga nchumu, kambe a swi nga va khomisi tingana.