I Versetti Biblici più popolari da Xhun 8

Condividi

Yaʼne ech vaʼt u yol tal Jesuus xoʼl inqʼa xaol s-eche: —Aʼetz ine, u txiqubʼal uvaʼ nik txiqun inqʼa xaol tzitza vatz txʼavaʼ. Echetz nik inkʼutxhte vinuqul tiʼ quBʼaal Tiuxh te inqʼa xaol. Pet jatvaʼl inqʼa laʼ txhʼuyeʼv s-viʼ tiʼ innimaleʼ, tul aʼ uvaʼe, yeʼ vet laʼ atin t-tokto vatz quBʼaal Tiuxh; pet at vet qʼij isaq uvaʼ yeʼl iyaʼebʼal imotxebʼal, —xeʼt Jesuus.

Echetz laʼ etootzaqit ine, uvaʼ, aʼ, in, nik alon vinuqul inqʼa yol uvaʼ tzajnaʼq kʼatz quBʼaal Tiuxh. Oqetz laʼ eqej inqʼa yol uvaʼ inuqulxhtuʼ, uvaʼ tzajnaʼq xeʼ quBʼaal Tiuxh, tul aʼ inqʼae, laʼ chiton ex tiqʼabʼ u yeʼbʼaʼn, —xeʼt Jesuus.

Atichetz jolol inqʼa tij imam Israeel uvaʼ maʼtich iqeex Jesuus taʼn, tul ech tal Jesuus s-xoʼl s-eche: —Oq laʼxh enima jankʼal inqʼa yol uvaʼ qat motx val sete, tul aʼetzxh exe, uvaʼ nuqlaxh niman vetz laʼ ibʼana.

Echetz nik valte sete, oq in, viKʼaol quBʼaal Tiuxh, laʼ chiton ex, tul nuqlaxh yol uvaʼ chiteletz vet exe t-inqʼa epaʼv, laʼ ibʼana.

Poro mij nikich iyaʼ inqʼa iqʼesal tiʼ tabʼil u yol te Jesuus. Yaʼne nuq txakeʼv vet Jesuus. Tul ech tal Jesuus s-eche: —Jaʼl invaʼq ex, uvaʼ tira yeʼl invaʼq epaʼv, tul aʼetz ex, bʼaxa tel eqʼabʼ tiʼ ikʼonil u ixoq s-sivan, —xeʼt Jesuus.

Yaʼne ech tal Jesuus s-eche: —Tira toq val sete: Jankʼal inqʼa xaol uvaʼ, aʼ kuxh u paʼv nik ibʼaneʼ, tan aʼetz inqʼae, aʼ u tatxhaʼv nik bʼekʼon tiʼ ibʼanax u paʼv, eche iqitzix ok, atz iloqʼox ok invaʼq xaol tiʼ aqʼon bʼanel taʼn.

Yaʼne nuq txakeʼv Jesuus inpaqte. Tul til Jesuus uvaʼ yeʼxhabʼil vet invaʼq inqʼa xotxhol tetz u ixoq atiche. Pet taʼnich kuxh vet u ixoq. Tul ech tal Jesuus te u ixoq s-eche: —¿Qatxh inqʼa nik motx xotxhon axh? ¿Yeʼxhabʼil vet invaʼq qat kaj tiʼ talax akameʼ? —xeʼt Jesuus. Tul ech tal u ixoq s-eche: —¡Yeʼxhabʼil veteʼ, inBʼaal! —xeʼte. Yaʼne ech tal Jesuus te u ixoq s-eche: —Aʼatetz koq in laʼ alon akameʼl. Pet quuxh, tul yeʼ paʼvin vet axh, —xeʼt Jesuus.]