I Versetti Biblici più popolari da Xhun 3

Condividi

Tan sibʼxh taanima quBʼaal Tiuxh tiʼ jankʼal inqʼa xaol vatz txʼavaʼ. Tan aʼ isaʼ yeʼ laʼ itzʼeqx inqʼa xaol. Pet at qʼij isaq uvaʼ yeʼl iyaʼebʼal imotxebʼal laʼ ibʼana. Xaʼtetze qat taqʼ tzaan in, in viKʼaol tiʼ ul vaqʼt vibʼ kamoq tiʼ itxhoox jankʼal vipaʼv inqʼa xaol, in, uvaʼ taʼnxh in sibʼ viqleʼm.

Qatetz itxhaq tzaan in quBʼaal Tiuxh, in viKʼaol. Poro jit aʼ qat itxhaqvat tzaan in tiʼ taqʼax jaʼp u yol tiibʼa jankʼal inqʼa xaol tiʼ ikʼaxbʼisaleʼ, pet, tiʼ uvaʼ, jankʼal inqʼa xaol laʼ ikol tibʼ vatz u kʼaxkʼo tiʼ inqʼa ipaʼv.

Yaʼne ech tal Jesuus s-eche: —Tira nuqxh nik val see: Jaʼl uvaʼ yeʼ laʼ alal tikaʼpaq, tul yeʼl tokebʼal tiʼ ibʼant quBʼaal Tiuxh iqʼesalil t-taanima, —xeʼt Jesuus.

Tan jaʼl uvaʼ laʼ qeon in, in viKʼaol quBʼaal Tiuxh, tan yeʼl vet u yol laʼ jaʼp s-tiibʼa tiʼ vipaʼv. Pet jaʼl uvaʼ yeʼ laʼ qeon in, in viKʼaol quBʼaal Tiuxh, tan at vet jaʼp viyol quBʼaal Tiuxh s-tiibʼa tiʼ ibʼen tu kʼaxkʼo. Tan yeʼ qat iqej viKʼaol quBʼaal Tiuxh uvaʼ taʼnxhte uvaʼ palnaʼq tiqleʼm.

Keʼchetz koq qat ijaʼp viyol quBʼaal Tiuxh s-tiibʼa, pet, tiʼ uvaʼ, yeʼ toksa viyol quBʼaal Tiuxh s-tuul uvaʼ qat ul inkʼutxh s-xoʼl tzitza vatz txʼavaʼ, eche itxiqun vaʼq txiqubʼal. Pet aʼl aʼ qat bʼenk taanima tiʼ inqʼa paʼv, eche ibʼen t-tokto. Tan aʼ kuxh tetz ibʼanax inqʼa kantxhaqla txumbʼal.

Echetzxh vet toq ibʼane. Tan aʼ vet u tetz u Kriisto laʼ yakʼini; pet il vet u vetz aalemal itzoqpeʼ, —xeʼt Xhun.{*}

Tan jankʼalxh inqʼa xaol uvaʼ, aʼ kuxh u kantxhaqla txumbʼal nik ibʼaneʼ, aʼetz inqʼae, nik iyan ivatz s-ve, in, u Txiqubʼal. Tul jitoq nik itxhok tok sinkʼatza, in, u Txiqubʼal, tan yeʼ isaʼ laʼ motx eluʼl vatz qʼij saq tiʼ inqʼa kantxhaqla txumbʼal nik ibʼaneʼ.

Echetz jaʼl uvaʼ laʼ qeon viKʼaol quBʼaal Tiuxh, tul at qʼij isaq uvaʼ yeʼl iyaʼebʼal imotxebʼal laʼ ibʼana. Pet jaʼl uvaʼ laʼ ixvan viKʼaol quBʼaal Tiuxh, tul yeʼl qʼij isaq laʼ ibʼana. Pet aʼ vet u kʼaxkʼo laʼ taqʼ quBʼaal Tiuxh s-tiibʼa uvaʼ yeʼl iyaʼebʼal imotxebʼal, —xeʼt Xhun.

Taqʼetz jaʼ Moisees u kan s-jetxhel jaʼ tu tzaqa txʼavaʼ, tul yek nikich ibʼan inqʼa xaol bʼaʼn uvaʼs nikich motx isaqit jaʼ u kan. Echatetz laʼ vaqʼax jaʼe, in u kʼutxhul tetz quBʼaal Tiuxh vatz txʼavaʼ.

Tan atxh taanima quBʼaal Tiuxh tiʼ viKʼaol, echetz qat toksat vet quBʼaal Tiuxhe jankʼal inqʼa kam tiqʼabʼ.